IPL 2024 : आयपीएलची पहिली आवृत्ती 2008 मध्ये खेळली गेली. त्याचवेळी सध्या आयपीएलचा 17वा मोसम खेळला जात आहे. या 17 वर्षांत अनेक मोठे आणि अनोखे विक्रम पाहायला मिळाले. आयपीएलमध्ये मोठमोठे रेकॉर्ड बनले आणि मोडले गेलेले तुम्ही पाहिले असतील. पण या स्पर्धेत फलंदाजी आणि गोलंदाजी व्यतिरिक्त यष्टीरक्षण करणाऱ्या खेळाडूबाबत तुम्हाला माहीती आहे का?

खरं तर, तुम्हाला हे जाणून आश्चर्य वाटेल की या यादीत भारतीय क्रिकेटर केदार जाधवचे नाव आहे. केदार जाधव आयपीएलच्या इतिहासात असा क्रिकेटपटू ठरला आहे, ज्याने फलंदाजी आणि गोलंदाजीशिवाय यष्टिरक्षणाची जबाबदारी पार पाडली आहे.

केदार जाधवने आयपीएलमध्ये दिल्ली कॅपिटल्स व्यतिरिक्त कोची टस्कर्स केरळ, रॉयल चॅलेंजर्स बंगलोर, चेन्नई सुपर किंग्ज आणि सनरायझर्स हैदराबादचे प्रतिनिधित्व केले आहे.

त्याचबरोबर या खेळाडूने आयपीएलचे 95 ​​सामने खेळले आहेत, ज्यामध्ये त्याने फलंदाजी आणि गोलंदाजीशिवाय विकेटकीपिंगमध्येही आपले कौशल्य दाखवले. आयपीएलमध्ये एक फलंदाज म्हणून केदार जाधवने 123.14 च्या स्ट्राईक रेटने आणि 22.37 च्या सरासरीने 1 हजार 208 धावा केल्या आहेत.

गोलंदाजीव्यतिरिक्त, आयपीएलमध्ये केदार जाधवने यष्टिरक्षक म्हणून 16 झेल घेतले आहेत, तर 7 फलंदाजांना स्टंप आऊट केले आहे. गोलंदाजीत मात्र त्याला एकही विकेट घेता आलेली नाही.