महर्षीनगर : जितो लेडीज विंगकडून महिलांना व्यावसायिक दृष्ट्या प्रोत्साहन देण्यासाठी ‘उडान’ उपक्रमाचे उदघाटन राज्यमंत्री माधुरी मिसाळ व प्रसिद्ध स्टायलिस्ट डॉली जैन यांच्या हस्ते झाले. मुकुंदनगर येथील थ्रीडी डेस्टिनेशनमधील या उपक्रमात ८० पेक्षा जास्त उद्योजिका महिलांनी तयार केलेल्या फॅशन, लाइफस्टाइल प्रॉडक्ट्स, ज्वेलरी, होम डेकोर व फेस्टिव कलेक्शनच्या विस्तृत श्रेणी उपस्थितांसाठी विशेष आकर्षण ठरल्या. डॉली जैन यांनी त्यांच्या अनुभवातून दृढ निश्चय व मेहनतीच्या जोरावर कोणतेही लक्ष्य साध्य करता येते असे सांगत आपला संघर्षमय जीवन प्रवास सांगितला, त्यातून उपस्थित महिलांना नवी उर्जा मिळाली.

यावेळी राज्यमंत्री माधुरी मिसाळ म्हणाल्या की महिलांना व्यावसायिक पाठबळ देण्यासाठी अश्या प्रकारचे उपक्रम आयोजित होणे आवश्यक आहे नागरिकांनी स्वदेशी वस्तूंची जास्तीत जास्त खरेदी करावी.

जितो पुणे चॅप्टरचे चेअरमन इंद्रकुमार छाजेड, चीफ सेक्रेटरी दिनेश ओसवाल यांच्या मार्गदर्शनाखाली, जितो लेडीज विंग पुणेचे अध्यक्ष एकता भन्साळी व वरिष्ठ सचिव पूजा राठोड यांच्या नेतृत्वाखाली जैन इंटरनॅशनल ट्रेड ऑर्गनायझेशन (जितो) लेडीज विंगतर्फे “उडान रूबरू ७.०” या प्रदर्शनाचे आयोजन करण्यात आले होते. तीन दिवस चालणाऱ्या प्रदर्शनाला पहिल्याच दिवशी चार ते पाच हजार नागरिकांनी भेट दिली.

या उपक्रमाचे आयोजन जितो लेडीज विंग पुणे अध्यक्ष एकता भन्साळी, वरिष्ठ सचिव पूजा राठोड, सचिव रीता जैन, खजिनदार वंदना राठोड आणि अर्चना कोचर व रूपाली भंडारी यांनी केले होते. प्रदर्शनासाठी राठोड ज्वेलर्स व पल्लोड क्रिएशन यांचे विशेष सहकार्य मिळाले.

यावेळी जितो एपेक्स अध्यक्ष विजय भंडारी, जितो एपेक्स चेअरमन इंद्रज जैन, जितो पुणे चॅप्टरचे चेअरमन इंद्रकुमार छाजेड, डायरेक्टर राजेश साकला, चीफसेक्रेटरी दिनेश ओसवाल, सेक्रेटरी लक्ष्मीकांत खाबिया, खजिनदार दिलीप विनायकीया, सहखजिनदार रूपेश कोठारी, सहसेक्रेटरी विशाल सिंघवी, अभय छाजेड, राजश्री शिळीमकर, कविता वैरागे, मानसी देशपांडे, वर्षा तलेरा, सुजीत भटेवरा, उमेश बोरा, आनंद चोरडिया, संजय राठोड, विमल बाफना, लतिका साकला, राजश्री पारख, शशिप्रभा छाजेड, प्रभा ओसवाल, प्रियांका परमार, पुनम ओसवाल, खुशाली चोरडिया, लकीशा मरलेचा उपस्थित होते.