Jasprit Bumrah Pillow Shopping In Japan Axar Patel Video Sanjana Ganesan Comment Viral : भारतीय क्रिकेट संघाचा स्टार वेगवान गोलंदाज जसप्रीत बुमराह (Jasprit Bumrah) सध्या जपानमध्ये क्रिकेटच्या व्यस्त वेळापत्रकातून रिलॅक्स मूडमध्ये दिसत आहे. आशियाई क्रीडा स्पर्धेदरम्यान बुमराह संघातील सहकारी अक्षर पटेलसोबत (Axar Patel) एका बेडिंग स्टुडिओमध्ये खास उशी खरेदी (Pillow Shopping) करण्यासाठी पोहोचला. अक्षरने चित्रित केलेला हा मजेशीर प्रसंग सोशल मीडियावर प्रचंड व्हायरल झाला असून, त्यावर बुमराहची पत्नी व प्रसिद्ध क्रीडा अँकर संजना गणेशनच्या (Sanjana Ganesan) मिश्कील कमेंटने नेटकऱ्यांचे लक्ष वेधून घेतले आहे.

अक्षरने केले शूटिंग; बुमराहने घेतली ‘एर्गोनॉमिक’ उशीची टेस्ट!

अक्षर पटेलने इन्स्टाग्रामवर शेअर केलेल्या व्हिडिओमध्ये बुमराह जपानमधील एका अत्याधुनिक बेडिंग स्टोअरमध्ये उशांची चाचणी घेताना दिसतोय. तेथील तज्ज्ञांनी बुमराहच्या मानेची ठेवण आणि शरीराच्या रचनेनुसार योग्य सपोर्ट मिळावा यासाठी अचूक मोजमापे घेतली. या संपूर्ण प्रसंगाचे अक्षर पटेल हसत हसत व्हिडिओ शूटिंग करत होता. खेळातून शरीराला मिळणारा आराम आणि फिटनेससाठी आवश्यक असलेल्या या उशीच्या तंत्रज्ञानाबद्दल बुमराहही अतिशय बारकाईने माहिती घेताना दिसला.

‘तू यासाठी जपानला गेला आहेस का?’; संजनाच्या कमेंटवर बुमराहचे उत्तर!

🚨 JASPRIT BUMRAH × JAPAN PILLOW FACTORY 😂🇯🇵

– Bumrah getting a pillow custom-made according to his neck…. While Axar Patel behind the camera making the whole thing even funnier! 😂🎥

BRO IS ENJOYING EVERY SECOND OF IT! 😂❤️

TEAM INDIA’S OFF-FIELD MASTI >>> ❤️…

— Cricket Guru (@CricketGuru_CG) September 23, 2026

हा व्हिडिओ समोर येताच संजना गणेशनने बुमराहची फिरकी घेतली. “तू हे सगळं करण्यासाठी चक्क जपानपर्यंत गेला आहेस का?” असा खोचक सवाल तिने स्माईली इमोजीसह विचारला. त्यावर बुमराहनेही मागे न हटता लगेचच, “तू मागशील तेव्हा मी ही उशी अजिबात शेअर करणार नाही,” असे मिश्कील उत्तर दिले. पती-पत्नीमधील ही विनोदी जुगलबंदी सध्या सोशल मीडियावर क्रिकेट चाहत्यांच्या पसंतीस उतरत आहे.

Funny banter between Jasprit Bumrah & Sanjana Ganesan.❤️

Boom in for a pillow hunt in Japan tour🤣 pic.twitter.com/AVBloeC8BY

— MANU (@IMManu_14) September 23, 2026

हेही वाचा –  Womens Skeet Bronze : भारतीय महिला नेमबाज संघाने कांस्यपदकावर साधला निशाणा! भारताला स्कीट प्रकारात मिळवून दिलं पदक

दुखापतीनंतर दमदार कमबॅक; आता नागोयात मैदानावर उतरणार!

दुखापतीमुळे श्रीलंकेविरुद्धच्या कसोटी मालिकेला मुकल्यानंतर बुमराहने नुकत्याच झालेल्या अफगाणिस्तानविरुद्धच्या टी-२० मालिकेतून भारतीय संघात जोरदार पुनरागमन केले आहे. सध्या तो जपानमधील आशियाई क्रीडा स्पर्धा २०२६ मध्ये भारतीय मोहिमेचा मुख्य आधारस्तंभ आहे. मैदानावर घातक यॉर्कर्सने फलंदाजांची झोप उडवणाऱ्या बुमराहचा हा मैदानाबाहेरील शांत आणि हलकाफुलका अंदाज चाहत्यांना चांगलाच भावला आहे.