India Beat Japan : अवघ्या ५ षटकांच्या सामन्यात श्वास रोखून धरणारा थरार! टीम इंडियाने ३२ धावा करूनही जपानला २ धावांनी रोखले
India Beat Japan : भारत आणि जपान यांच्यातील टी२० आंतरराष्ट्रीय सामना अनपेक्षित होता. प्रत्येक चेंडूवर चुरशीच्या लढतीनंतर, भारतीय संघाने अखेरीस दोन धावांनी सामना जिंकला.
India Beat Japan In Thrilling 5-Over Rain-Curtailed T20I By 2 Runs Axar Patel Shreyas Iyer : भारत आणि जपान यांच्यात खेळला गेलेला पहिला आंतरराष्ट्रीय टी-२० सामना अशा एका अभूतपूर्व वळणावर पोहोचेल, याची कोणी कल्पनाही केली नव्हती. नागोया येथील मैदान ओले असल्यामुळे हा सामना तब्बल तीन तासांच्या विलंबाने सुरू झाला आणि केवळ ५-५ षटकांचा करण्यात आला. अवघ्या ३२ धावांचे आव्हान समोर असूनही भारतीय फिरकीपटूंनी शेवटच्या चेंडूपर्यंत झुंज देत जपानला ४ बाद ३० धावांवर रोखले आणि २ धावांनी रोमहर्षक विजय खेचून आणला. (India Beat Japan)
भारतीय फलंदाजी ढेपाळली; ५ षटकांत अवघ्या ३२ धावा! (India Beat Japan)
सामन्याची सुरुवात भारतीय संघासाठी अत्यंत धक्कादायक ठरली. पहिल्याच षटकाच्या शेवटच्या चेंडूवर अभिषेक शर्मा खातं न उघडताच बाद झाला. दुसऱ्या षटकात संजू सॅमसन (९ धावा) आणि तिसऱ्या षटकात इशान किशन (३ धावा) स्वस्तात माघारी परतले. कर्णधार श्रेयस अय्यरने १२ चेंडूंत १६ धावांची खेळी केली. अवघ्या ५ षटकांत भारताला ४ बाद ३२ धावांपर्यंतच मजल मारता आली, ज्यामुळे जपानचा ऐतिहासिक विजय जवळजवळ निश्चित मानला जात होता.
अक्षर-सुंदरची भेदक फिरकी; तिसऱ्या षटकात बिश्नोई ठरला महागडा! (India Beat Japan)
Target defended 👏👏#TeamIndia seal a nail-biter with a 2-run victory over Japan 💙
Scorecard ▶️ https://t.co/0YhYTwc8HS#TeamIndiaInJapan | #JPNvIND pic.twitter.com/icPNwzOb5s
— BCCI (@BCCI) September 22, 2026
प्रत्युत्तरात ३२ धावांचा बचाव करण्यासाठी कर्णधार श्रेयस अय्यरने वेगवान गोलंदाजांऐवजी थेट फिरकीपटूंवर विश्वास दाखवला. अक्षर पटेलने पहिल्याच षटकात अवघ्या २ धावा देत १ विकेट्स घेतली. दुसऱ्या षटकात वॉशिंग्टन सुंदरने ६ धावा देत १ गडी बाद केला. मात्र, तिसऱ्या षटकात रवी बिश्नोईने १० धावा दिल्याने जपानचा स्कोर ३ षटकांत १८ धावांवर पोहोचला. सुंदरने चौथ्या षटकात ७ धावा देत तिसरा धक्का दिला आणि जपानला अखेरच्या ६ चेंडूंत ८ धावांचे लक्ष्य राहिले.
हेही वाचा – Asian Games 2026: इतिहास घडला! श्रीलंकेला मात देत महिला क्रिकेट संघाने जिंकले सुवर्णपदक
शेवटच्या षटकात वाईडवरून वाद; अंपायरशी चर्चा अन् भारताचा थरारक विजय!
🚨OMG – What Was That Japan ???🚨
Japan Almost Defeated Indian , almost , but lost by 2 Runs .…..
Bach Gaye Guru , varna 2-4 din underground hona padta 😇😂#INDvsJPN #TeamIndia #JAPAN pic.twitter.com/TIzWe8lOl6
— VEER SA (@veersaa007) September 22, 2026
शेवटच्या षटकात अक्षर पटेल गोलंदाजीला आला. पहिल्या दोन चेंडूंत १ धाव दिल्यानंतर तिसरा चेंडू वाईड ठरला. अंपायरने चौथा चेंडूही वाईड दिला; मात्र कर्णधार श्रेयस आणि अक्षरने अंपायरशी चर्चा करून चेंडू वाईड नसल्याचे पटवून दिले. अंपायरने निर्णय मागे घेतल्याने भारताची १ अतिरिक्त धाव वाचली आणि एक चेंडूही मोजला गेला. शेवटच्या तीन चेंडूंत अक्षरने एकेक धाव देत जपानला केवळ ५ धावाच करू दिल्या आणि भारताने २ धावांनी अविस्मरणीय विजय मिळवला.
