Jamkhed News : राज्यात विशेष नावलौकिक प्राप्त असलेल्या व समस्त जामखेडकरांचे श्रद्धास्थान असलेल्या श्री नागेश्वर पंचमी उत्सवाच्या पार्श्वभूमीवर शहरात येणाऱ्या भाविक व नागरिकांना सर्वतोपरी आवश्यक सुविधा उपलब्ध करून देण्यासाठी नगरपरिषद पूर्णपणे सज्ज झाली आहे. (Jamkhed News)

यंदाचा प्रसिद्ध आनंदमेळा बीड रोडवरील प्रशस्त एमआयडीसी मैदानावर भरविण्याचे नियोजन करण्यात आले असून, नागरिकांच्या हिताचा विचार करून या जागेचा कोणताही लिलाव केला जाणार नाही, अशी महत्त्वपूर्ण घोषणा नगराध्यक्षा प्रांजल चिंतामणी यांनी केली आहे. (Jamkhed News)

दरम्यान, उत्सवाच्या नियोजनासाठी तहसील कार्यालयाच्या सभागृहात आयोजित करण्यात आलेल्या शांतता कमिटीच्या बैठकीत आनंदमेळ्याची जागा आणि मुख्याधिकाऱ्यांची अनुपस्थिती यावरून सत्ताधारी व विरोधकांमध्ये जोरदार खडाजंगी झाली. (Jamkhed News)

नगराध्यक्षा प्रांजल चिंतामणी यांच्या अध्यक्षतेखाली झालेल्या या बैठकीस तहसीलदार मच्छिंद्र पाडळे, पोलीस निरीक्षक दशरथ चौधरी, नगराध्यक्ष प्रतिनिधी अमित चिंतामणी, बाजार समिती सभापती शरद कार्ले, अजय काशिद, नगरसेवक श्रीराम डोके, पवन राळेभात, ॲड. प्रविण सानप, प्रविण चोरडिया, अर्जुन म्हेत्रे, तात्याराम पोकळे, मनोज कुलकर्णी, विनायक राऊत, अवधूत पवार, राहुल उगले, कुंडल राळेभात, विकीभाऊ सदाफुले, प्रदीप टापरे, संतोष नवलाखा, डिगांबर चव्हाण, संपत राळेभात, सुनील जगताप, बाबा चंदन यांच्यासह विविध क्षेत्रांतील मान्यवर उपस्थित होते. (Jamkhed News)

बैठकीत आनंदमेळ्याच्या जागेवरून मतभेद उफाळून आले. नगरपरिषदेने बीड रोडवरील एमआयडीसी मैदान निश्चित केले असताना, बाजार समितीचे सभापती शरद कार्ले यांनी पारंपरिक ठिकाणीच, म्हणजे बाजार समितीच्या आवारातच आनंदमेळा भरविण्याची आग्रही मागणी केली. (Jamkhed News)

मुख्याधिकाऱ्यांच्या अनुपस्थितीवरून गोंधळ

आनंदमेळ्याच्या जागेवरून चर्चा सुरू असतानाच मुख्याधिकारी स्वतः उपस्थित नसल्याचा मुद्दा उपस्थित करत सत्ताधारी-विरोधी नगरसेवक आणि सामाजिक कार्यकर्त्यांमध्ये शाब्दिक चकमक उडाली. प्रशासकीय अधिकाऱ्यांवर कोणाचा दबाव आहे का?, असा सवाल करत उपस्थित काहींनी आरोप केला की तहसीलदार व मुख्याधिकारी प्रतिनिधींना बैठकीत बोलण्याची पुरेशी संधी दिली गेली नाही. (Jamkhed News)

नगरसेवक प्रशांत राळेभात, ॲड. मयूर डोके, सुनील जगताप, संतोष नवलाखा, संपत राळेभात, प्रदीप टापरे आणि विकीभाऊ सदाफुले यांनी एमआयडीसी मैदानावरील सुरक्षेचा व वाहतुकीचा प्रश्न उपस्थित करत या एकतर्फी निर्णयाला विरोध दर्शवला. (Jamkhed News)

तसेच शहरात एकापेक्षा जास्त ठिकाणी आनंदमेळा भरविण्याची परवानगी मिळावी, अशीही मागणी पुढे येत आहे. गोंधळाच्या पार्श्वभूमीवर नगराध्यक्षा प्रांजल चिंतामणी यांनी सर्वांना शांततेचे आवाहन केले. त्या म्हणाल्या, “पंचमी उत्सव हा संपूर्ण जामखेडचा कौटुंबिक आणि प्रतिष्ठेचा उत्सव आहे. (Jamkhed News)

सर्वांनी आपापल्या सूचना भांडणाच्या स्वरूपात न मांडता सुज्ञपणे मांडाव्यात. भाविक, नागरिक आणि विशेषतः महिला भगिनींना कोणताही त्रास होणार नाही याची दक्षता नगरपरिषद घेईल. सर्वांच्या हिताचा विचार करूनच योग्य तो अंतिम निर्णय घेतला जाईल.” (Jamkhed News)

प्रशासनासमोर नियोजनाचे मोठे आव्हान

महाराष्ट्राच्या कानाकोपऱ्यातून नागपंचमी उत्सवासाठी हजारो भाविक जामखेडमध्ये दाखल होत असतात. त्यामुळे यंदा वाहतूक नियंत्रण, पार्किंग व्यवस्था, स्वच्छता, पिण्याचे पाणी, गर्दीचे नियोजन आणि कायदा-सुव्यवस्था राखणे यासाठी पोलीस प्रशासन आणि नगरपरिषदेला कडक नियोजन करावे लागणार आहे. आनंदमेळ्याच्या जागेबाबत आगामी दिवसांत काय अंतिम निर्णय होतो, याकडे आता संपूर्ण जामखेडकरांचे लक्ष लागले आहे. (Jamkhed News)

Jamkhed News : ‘माफ करा दादा… आम्ही चुकलो!’; जामखेडमध्ये रोहित पवारांच्या समर्थनार्थ सोशल मीडियावरील मोहिमेची जोरदार चर्चा