Ishan Kishan Century Duleep Trophy 2026 Final East Zone vs South Zone First Class 4000 Runs : चेन्नईच्या चेपॉक स्टेडियमवर सुरू असलेल्या दुलीप ट्रॉफी २०२६ (Duleep Trophy 2026) च्या अंतिम सामन्यावर ईस्ट झोनने पहिल्याच दिवशी संपूर्ण वर्चस्व गाजवले आहे. साऊथ झोनविरुद्ध खेळताना ईस्ट झोनचा कर्णधार इशान किशनने (Ishan Kishan) अप्रतिम शतकी खेळी साकारत संघाला भक्कम स्थितीत आणून ठेवले. दिवसाचा खेळ संपेपर्यंत इशान किशन १११ धावांवर नाबाद राहिला. या शानदार खेळीच्या जोरावर त्याने प्रथम श्रेणी क्रिकेटमध्ये आपल्या ४००० धावांचा महत्त्वपूर्ण टप्पाही पार केला.

१०९ डावांत ४ हजार धावांचा टप्पा पूर्ण; १० शतके नावावर!

इशान किशनने आतापर्यंत ६७ प्रथम श्रेणी सामन्यांच्या १०९ डावांत जवळपास ४० च्या उत्कृष्ट सरासरीने ४०६० धावा केल्या आहेत. यामध्ये १० शतके आणि १९ अर्धशतकांचा समावेश असून २७३ ही त्याची सर्वोत्तम धावसंख्या आहे. भारतासाठी केवळ २ कसोटी सामने खेळण्याची संधी मिळालेल्या इशानने तीन डावांत ७८.०० च्या सरासरीने ७८ धावा केल्या आहेत. देशांतर्गत क्रिकेटमध्ये लाल चेंडूवर सातत्याने धावांचा पाऊस पाडल्यानंतर आता निवडसमितीचे दरवाजे त्याच्यासाठी पुन्हा उघडणार का, याकडे सर्वांचे लक्ष लागले आहे.

शिखर मोहनसोबत ९४ धावांची भागीदारी; ७१ चेंडूंत झळकावले अर्धशतक –

Ishan Kishan blazes away to a century! 🔥pic.twitter.com/6JJS1eNK0P

— Cricbuzz (@cricbuzz) September 6, 2026

ईस्ट झोनची धावसंख्या ३ बाद १४७ असताना इशान किशन फलंदाजीला आला. मैदानावर उतरताच त्याने संयम आणि आक्रमकतेचा समतोल राखत अवघ्या ७१ चेंडूंत आपले अर्धशतक पूर्ण केले. त्यानंतर त्याने शिखर मोहनसोबत (८५ धावा) चौथ्या विकेटसाठी ९४ धावांची महत्त्वपूर्ण भागीदारी रचली. शेवटच्या सत्रात इशानने साऊथ झोनच्या गोलंदाजांवर प्रहार करत अवघ्या १३५ चेंडूंत १११ धावांची नाबाद शतकी खेळी सजवली.

हेही वाचा – Kranti Gaud Troll : “लड़का खेल रहा है… लड़का!”; क्रांती गौडवर शेरेबाजी करणाऱ्या पाकिस्तानी चाहत्यांना टीम इंडियाच चोख प्रत्युत्तर

पहिल्या दिवशी ईस्ट झोनचा ३८५ धावांचा डोंगर; कुशाग्र ६३ धावांवर नाबाद –

HUNDRED FOR ISHAN KISHAN! 🔥💯

Leading East Zone in the Duleep Trophy final, Ishan Kishan brings up his 10th First-Class century in style! A captain’s knock on a big stage at Chepauk. 🫡🏏#IshanKishan #DuleepTrophy #CricketImpluse pic.twitter.com/CJXoDKYpYY

— Cricket Impluse (@cricketimpluse) September 6, 2026

पहिल्या दिवसाचा खेळ थांबला तेव्हा ईस्ट झोनने ४ बाद ३८५ धावांची महाकाय धावसंख्या उभारली. इशान किशनसोबत कुमार कुशाग्र ६३ धावांवर नाबाद खेळत आहे. सलामीवीर अभिमन्यू ईश्वरनने ७२ आणि शिखर मोहनने ८५ धावांचे मोलाचे योगदान दिले. साऊथ झोनकडून चामा व्ही. मिलिंदने ५६ धावांत २ विकेट घेत सर्वात यशस्वी गोलंदाजी केली. पहिल्याच दिवशी मोठी आघाडी घेतल्याने फायनलवर ईस्ट झोनने आपली पकड घट्ट केली आहे.