CSK SRH IPL Mega Trade Deal Ahead Of IPL Retention : आयपीएलच्या आगामी हंगामापूर्वी खेळाडूंच्या रिटेंशनची उत्सुकता शिगेला पोहोचलेली असतानाच, ट्रान्सफर मार्केटमधून एक मोठी बातमी समोर आली आहे. अधिकृत खेळाडू रिटेंशन यादी जाहीर होण्यापूर्वीच चेन्नई सुपर किंग्स (CSK) आणि सनरायझर्स हैदराबाद (SRH) या दोन बलाढ्य फ्रँचायझींमध्ये तब्बल चार दिग्गज खेळाडूंची ट्रेड डील अधिकृतपणे पूर्ण झाली आहे. या महत्त्वाच्या अदलाबदलीमध्ये दोन भारतीय आणि दोन परदेशी खेळाडूंचा समावेश असून, आंतरराष्ट्रीय स्तरावर खेळलेल्या मॅचविनर्सनी आपले संघ बदलले आहेत.

लिव्हिंगस्टोन आणि जॅक एडवर्ड्स सीएसकेत दाखल –

या ट्रेड डीलनंतर इंग्लंडचा स्फोटक अष्टपैलू खेळाडू लियाम लिव्हिंगस्टोन आणि ऑस्ट्रेलियाचा युवा अष्टपैलू खेळाडू जॅक एडवर्ड्स आता यलो आर्मी अर्थात सीएसकेच्या ताफ्यात दाखल झाले आहेत. तर दुसरीकडे, चेन्नईच्या संघात असलेले भारतीय वेगवान गोलंदाज खलील अहमद आणि ऑस्ट्रेलियन वेगवान गोलंदाज नॅथन एलिस यांना आता सनरायझर्स हैदराबादकडून खेळण्याची संधी मिळणार आहे. दोन्ही संघांनी आपापल्या रणनीतीनुसार गरजेच्या खेळाडूंवर शिक्कामोर्तब करत ही देवाणघेवाण यशस्वी केली आहे.

लियामच्या पगारात तब्बल ६ कोटी रुपयांची कपात!

Have a look at the salaries of the four players involved in the SRH-CSK trade deal for IPL 2027! 🧡🔁💛

A huge pay cut for Liam Livingstone! ❌

#SRH #CSK #IPL2027 #Sportskeeda https://t.co/mgQZm3nMlU

— Sportskeeda (@Sportskeeda) November 5, 2026

या संपूर्ण ट्रेडमधील सर्वात धक्कादायक बाब म्हणजे लियाम लिव्हिंगस्टोनच्या मानधनात झालेली प्रचंड घट. मेगा लिलावादरम्यान हैदराबादने लिव्हिंगस्टोनवर तब्बल १३ कोटी रुपयांची बोली लावून संघात घेतले होते; मात्र खराब फॉर्म आणि संघाच्या रचनेमुळे त्याला जास्त सामने खेळता आले नाहीत. आता सीएसकेत येताना त्याचा पगार थेट ६ कोटी रुपयांनी कमी झाला आहे, म्हणजेच तो जवळपास ७ कोटी रुपयांत सीएसकेसाठी खेळताना दिसेल. दरम्यान, जॅक एडवर्ड्सला त्याचे जुनेच ३ कोटी रुपयांचे मानधन मिळणार आहे.

हेही वाचा – Virat Kohli : वडिलांचे निधन, आईने स्विकारली जबाबदारी; विराट कोहलीच्या कुटुंबात कोण-कोण?

खलील अहमदची हैदराबादमध्ये घरवापसी; एलिसलाही संधी –

सीएसकेने दोन कोटी रुपयांत खरेदी केलेला ऑस्ट्रेलियन वेगवान गोलंदाज नॅथन एलिस दुखापतीमुळे संपूर्ण मोसमाला मुकला होता, ज्याच्या जागी स्पेन्सर जॉन्सनला घेण्यात आले होते. आता एलिस हैदराबादच्या ताफ्यात गोलंदाजी करताना दिसेल. तसेच भारतीय वेगवान गोलंदाज खलील अहमदचीही सनरायझर्स हैदराबादमध्ये एका अर्थाने ‘घरवापसी’ झाली आहे. यापूर्वीही तो हैदराबादसाठी प्रभावी गोलंदाजी करत होता; त्यामुळे त्याच्या पुनरागमनामुळे हैदराबादचा वेगवान मारा अधिक भक्कम होणार आहे.