Suryakumar Yadav Appointed Mumbai Captain For SMAT And Vijay Hazare Trophy : भारताला २०२६ चा टी-२० विश्वचषक जिंकून दिल्यानंतर खराब फॉर्ममुळे राष्ट्रीय संघातून बाहेर पडलेल्या सूर्यकुमार यादव याच्यासाठी एक अत्यंत दिलासादायक बातमी समोर आली आहे. देशांतर्गत क्रिकेटमध्ये पुनरागमन करण्यासाठी सूर्याला हक्काचे व्यासपीठ मिळाले आहे. मुंबईच्या रणजी संघातून डावलण्यात आले असले, तरी आगामी व्हाईट बॉल स्पर्धांमध्ये तो मुंबईचे नेतृत्व करणार आहे. ‘टाईम्स ऑफ इंडिया’च्या वृत्तानुसार, आगामी सय्यद मुश्ताक अली ट्रॉफी (SMAT) आणि विजय हजारे ट्रॉफी या दोन्ही स्पर्धांसाठी मुंबई क्रिकेट असोसिएशनने (MCA) सूर्यकुमार यादवची कर्णधारपदी निवड केली आहे.

१४ नोव्हेंबरपासून मोहीम सुरू; ९ नोव्हेंबरला अंतिम संघ निवड 

मुंबईच्या टी-२० मोहिमेला १४ नोव्हेंबरपासून सुरुवात होणार आहे. ‘गट ड’मध्ये असलेल्या मुंबईचा पहिला सामना कोलकात्यात हैदराबादविरुद्ध रंगणार असून, या गटात छत्तीसगड, गोवा, गुजरात, ओडिशा, उत्तराखंड आणि विदर्भ या संघांचा समावेश आहे. एमसीएच्या वरिष्ठ निवड समितीने दोन्ही मर्यादित षटकांच्या स्पर्धांसाठी सूर्याकडे धुरा सोपवण्याचा निर्णय घेतला आहे. या निवडीपूर्वी ७ आणि ९ नोव्हेंबर रोजी सराव सामने खेळवले जातील आणि ९ नोव्हेंबरला अंतिम संघ जाहीर करून खेळाडू ११ नोव्हेंबरला कोलकात्यासाठी रवाना होतील.

रणजी संघातून वगळले, पण व्हाईट बॉलमध्ये थेट कर्णधारपद

🚨 CAPTAIN SKY IS BACK 🚨

– Suryakumar Yadav is leading Mumbai in Syed Mushtaq Ali Trophy this season. https://t.co/GrKpVcy04I

— Cricket Central (@CricketCentrl) November 5, 2026

३६ वर्षीय सूर्यकुमार यादवच्या कारकिर्दीसाठी हा निर्णय अत्यंत निर्णायक मानला जात आहे. काही दिवसांपूर्वीच त्याला मुंबईच्या रणजी करंडक संघात स्थान देण्यात आले नव्हते; मात्र आता थेट कर्णधारपद सोपवून त्याच्या अनुभवावर पुन्हा विश्वास दाखवण्यात आला आहे. टी-२० विश्वचषकाच्या अंतिम फेरीत खेळल्यानंतर खराब फॉर्ममुळे सूर्याकडून भारताचे नेतृत्व काढून श्रेयस अय्यरकडे सोपवण्यात आले होते आणि त्याला राष्ट्रीय संघातूनही वगळण्यात आले होते.

हेही वाचा – IPL Trade Deal : आयपीएल रिटेंशनपूर्वी सर्वात मोठा धमाका; चेन्नई आणि हैदराबादमध्ये ‘या’ चार खेळाडूंची झाली अदलाबदल

भारताला विश्वचषक जिंकून देणारा तिसरा कर्णधार; पुनरागमनाची संधी

🚨 CAPTAIN SKY IS BACK 🚨

– Suryakumar Yadav is leading Mumbai in Syed Mushtaq Ali Trophy this season. https://t.co/GrKpVcy04I

— Cricket Central (@CricketCentrl) November 5, 2026

सूर्यकुमार यादव हा भारताला टी-२० विश्वचषक जिंकून देणाऱ्या मोजक्या तीन कर्णधारांपैकी एक आहे. एमएस धोनी (२००७) आणि रोहित शर्मा (२०२४) यांच्यानंतर सूर्याने २०२६ मध्ये भारताला जगज्जेतेपद मिळवून दिले होते. आता मुंबईचे नेतृत्व करताना धावांचा पाऊस पाडून भारतीय संघात पुन्हा आपले स्थान निश्चित करण्याचे मोठे आव्हान आणि सुवर्णसंधी त्याच्यासमोर असणार आहे.