Abhishek Porel Police Complaint Medical Student Marriage Allegations : आयपीएलमध्ये दिल्ली कॅपिटल्स संघाकडून खेळणारा आणि बंगालचा युवा यष्टिरक्षक फलंदाज अभिषेक पोरेल (Abhishek Porel) याच्यावर अत्यंत गंभीर आरोप झाले आहेत. लग्नाचे खोटे आमिष दाखवून वारंवार लैंगिक संबंध ठेवल्याचा आरोप एका तरुणीने त्याच्यावर केला आहे. याप्रकरणी पश्चिम बंगालमधील हुगळी जिल्ह्यातील मोगरा पोलीस ठाण्यात अभिषेकविरोधात अधिकृत तक्रार दाखल करण्यात आली आहे. या धक्कादायक बातमीमुळे क्रिकेट वर्तुळात मोठी खळबळ उडाली आहे.

कर्नाटकच्या मेडिकल विद्यार्थिनीने केले गंभीर आरोप –

पोलिसात दाखल करण्यात आलेल्या तक्रारीनुसार, पीडित तरुणी ही कर्नाटक येथील वैद्यकीय क्षेत्रातील विद्यार्थिनी आहे. तिने सांगितले की, अभिषेक पोरेल आणि तिचे गेल्या ३ वर्षांपासून प्रेमसंबंध होते. यादरम्यान त्यांच्यात लग्नाची बोलणीही झाली होती. पीडितेच्या म्हणण्यानुसार, त्यांच्यात सुमारे दीड वर्षांपूर्वी वाद सुरू झाले. त्या वेळीही हे प्रकरण पोलीस ठाण्यापर्यंत पोहोचले होते, परंतु तेव्हा कोणतीही अधिकृत तक्रार नोंदवली गेली नव्हती.

आता मात्र या विद्यार्थिनीने अभिषेकवर केवळ लग्नाचे आमिष दाखवून शारीरिक संबंध ठेवल्याचाच नाही, तर मारहाण करणे आणि जीवे मारण्याची धमकी दिल्याचाही अत्यंत गंभीर आरोप केला आहे. पोलिसांनी या प्रकरणी गुन्हा नोंदवून पुढील तपास सुरू केला आहे.

🚨 IPL Cricketer Abishek Porel Accused of Fraudulent Marriage Promise 🚨[Cric Subhayan]

> Magra Police Station receives complaint against Bengal & Delhi Capitals wicketkeeper Abishek Porel.

> A woman alleges the Chandannagar resident cohabited with her under false marriage… pic.twitter.com/EEYr3EsiKc

— Cricket Central (@CricketCentrl) June 23, 2026

अभिषेक पोरेलने फेटाळले सर्व आरोप –

दुसरीकडे, क्रिकेटर अभिषेक पोरेलने हे सर्व आरोप पूर्णपणे खोटे आणि बिनबुडाचे असल्याचे सांगत फेटाळून लावले आहेत. “या प्रकरणात अद्याप पोलिसांनी माझ्याशी कोणताही संपर्क साधलेला नाही किंवा मी पोलिसांशी काहीही बोललो नाही. पोलिसांचा तपास पूर्ण झाल्यावर मी या विषयावर जाहीरपणे आणि सविस्तरपणे माझी बाजू मांडेन,” असे अभिषेकने स्पष्ट केले आहे.

हेही वाचा – Hardik Pandya Trade : हार्दिक पंड्या मुंबई इंडियन्सला ठोकणार रामराम? ‘या’ दोन मालकांनी अंबानींच्या टीमसोबत रात्रीत केली मोठी बैठक

अभिषेक पोरेलने आयपीएल २०२६ चा हंगाम संपल्यापासून कोणताही स्पर्धात्मक क्रिकेट सामना खेळलेला नाही. आयपीएल २०२६ मध्ये त्याने दिल्ली कॅपिटल्ससाठी ४ सामने खेळताना एका अर्धशतकासह (सर्वोच्च धावसंख्या ५१) एकूण १०८ धावा केल्या होत्या. देशांतर्गत क्रिकेटमध्ये तो बंगालच्या मुख्य संघाचे प्रतिनिधित्व करतो. सध्या पोलीस या संपूर्ण प्रकरणाची कसून चौकशी करत आहेत.