Rohit Sharma Padma Shri Award Rashtrapati Bhavan : नवी दिल्लीतील राष्ट्रपती भवनात मंगळवारी आयोजित एका अत्यंत दिमाखदार आणि ऐतिहासिक सोहळ्यात राष्ट्रपती द्रौपदी मुर्मू यांच्या हस्ते देशातील प्रतिष्ठित ‘पद्म’ पुरस्कारांचे (Padma Awards) वितरण करण्यात आले. या सोहळ्यात क्रीडा जगतातील दिग्गजांचा दबदबा पाहायला मिळाला. भारतीय पुरुष क्रिकेट संघाचा माजी यशस्वी कर्णधार रोहित शर्मा आणि महिला हॉकी संघाची माजी कर्णधार सविता पुनिया यांना देशाचा चौथा सर्वोच्च नागरी सन्मान ‘पद्मश्री’ देऊन गौरविण्यात आले. तसेच, भारताचे दिग्गज टेनिसपटू विजय अमृतराज (Vijay Amritraj) यांना ‘पद्मभूषण’ पुरस्काराने सन्मानित करण्यात आले.

‘चॅम्पियन्स ट्रॉफी’ विजयाचा शिल्पकार रोहित शर्माचा सन्मान!

माजी कर्णधार रोहित शर्मासाठी हा बहुमान अत्यंत खास आहे. रोहितच्याच नेतृत्वाखाली भारताने २०२४ मध्ये टी-२० विश्वचषक आणि २०२५ मध्ये आयसीसी चॅम्पियन्स ट्रॉफीवर आपले नाव कोरले होते. रोहितने २०२५ मध्ये कसोटी आणि टी-२० क्रिकेटमधून निवृत्ती जाहीर केली असली, तरी वन-डे क्रिकेटमध्ये त्याचे वादळ अजूनही कायम आहे. गेल्या वर्षी त्याने एकदिवसीय क्रिकेटमध्ये ६५० हून अधिक धावा ठोकून संघात मोलाचे योगदान दिले होते.

सविता पुनिया आणि विजय अमृतराज यांचा ऐतिहासिक बहुमान!

#WATCH | Delhi | Former Captain of the Indian Cricket Team, Rohit Sharma, awarded the Padma Shri by President Droupadi Murmu

(Video source: Rashtrapati Bhavan) pic.twitter.com/ckz1kc4poF

— ANI (@ANI) June 23, 2026

भारतीय महिला हॉकी संघाची भिंत समजली जाणारी गोलकीपर आणि माजी कर्णधार सविता पुनियालाही हॉकीमधील तिच्या अतुलनीय योगदानासाठी पद्मश्रीने सन्मानित करण्यात आले. दुसरीकडे, यंदा क्रीडा क्षेत्रातून देशाचा तिसरा सर्वोच्च नागरी सन्मान ‘पद्मभूषण’ मिळवणारे विजय अमृतराज हे एकमेव खेळाडू ठरले आहेत.

Exactly 19 years after his international debut, Rohit Sharma received the prestigious Padma Shri, India’s fourth-highest civilian award. 🇮🇳🏅✨#RohitSharma #India #Cricket #Sportskeeda pic.twitter.com/NZGwElhqXJ

— Sportskeeda (@Sportskeeda) June 23, 2026

टेनिस कोर्टवरील त्यांच्या ऐतिहासिक कारकिर्दीसाठी त्यांना हा पुरस्कार मिळाला. यापूर्वी त्यांना १९७४ मध्ये अर्जुन पुरस्कार आणि १९८३ मध्ये पद्मश्रीने सन्मानित करण्यात आले होते. या सोहळ्यात मध्य प्रदेशचे भगवानदास रायकवार यांना मरणोत्तर पद्मश्री प्रदान करण्यात आली.

हेही वाचा – Kylian Mbappe WC Record : फिलाडेल्फियातील वादळात किलियन एम्बाप्पेचा महाविक्रम! इराकचा धुव्वा उडवत फ्रान्स बाद फेरीत; रोनाल्डोला टाकलं मागे

केंद्र सरकारने यंदाच्या प्रजासत्ताक दिनाच्या पूर्वसंध्येला या पुरस्कारांची घोषणा केली होती. काही दिवसांपूर्वीच भारतीय महिला क्रिकेट संघाची कर्णधार हरमनप्रीत कौर हिने देखील राष्ट्रपतींकडून पद्मश्री पुरस्कार स्वीकारला होता. तिच्याच नेतृत्वाखाली भारतीय महिला संघाने २०२५ मध्ये मायदेशात झालेल्या विश्वचषकावर ऐतिहासिक गवसणी घातली होती.