IPL 2025 Mega Auction : दीर्घ प्रतीक्षेनंतर, भारतीय क्रिकेट नियामक मंडळाने (BCCI) अखेर IPL 2025 मेगा लिलावाच्या ठिकाणाचे रहस्य उघड केले आहे. सौदी अरेबियाची राजधानी रियाधमध्ये बीसीसीआय दोन दिवस मेगा लिलाव आयोजित करेल अशी अनेक दिवसांपासून अटकळ होती, परंतु बीसीसीआयने रियाधऐवजी दुसरे ठिकाण निवडले आहे.

BCCI ने मंगळवार, 5 नोव्हेंबर रोजी, IPL 2025 मेगा लिलावासाठी खेळाडूंच्या नोंदणीबाबत माहिती शेअर करण्यासोबतच मेगा लिलावाचे ठिकाणही जाहीर केले. बीसीसीआयने रियाधऐवजी सौदी अरेबियातील जेद्दाहची निवड केली आहे. येथे 24 आणि 25 नोव्हेंबर असे दोन दिवस मेगा लिलाव होणार आहे.  लिलावात फक्त 204 जागा रिक्त आहेत, ज्यासाठी एक हजाराहून अधिक खेळाडू आपला दावा मांडतील, असे सांगण्यात आले आहे.

लिलावात 320 कॅप्ड खेळाडू, 1224 अनकॅप्ड खेळाडू आणि 30 सहयोगी देशांचे खेळाडू सहभागी होणार आहेत. मात्र यापैकी केवळ 204 खेळाडूंची विक्री करता येणार आहे. हा आकडा तुम्हाला आश्चर्यचकित करेल की एकूण 1,576 खेळाडूंनी आयपीएल मेगा लिलावासाठी नोंदणी केली आहे. देशनिहाय पाहिल्यास, दक्षिण आफ्रिका आणि ऑस्ट्रेलियामधून सर्वाधिक खेळाडू नोंदणीकृत आहेत. आफ्रिकेतील 91 आणि ऑस्ट्रेलियातील 76 खेळाडूंनी नोंदणी केली आहे. यानंतर इंग्लंड तिसऱ्या क्रमांकावर आहे, तिथून 52 खेळाडूंनी लिलावासाठी नोंदणी केली आहे.

खेळाडूंची वर्गवारी खालीलप्रमाणे

कॅप्ड भारतीय – 48 खेळाडू
कॅप्ड आंतरराष्ट्रीय – 272 खेळाडू
मागील आयपीएल हंगामाचा भाग असलेले अनकॅप्ड भारतीय – 152 खेळाडू
अनकॅप्ड आंतराष्ट्रीय खेळाडू जे मागील आयपीएल हंगामाचा भाग होते – 03 खेळाडू
अनकॅप्ड भारतीय – 965 खेळाडू
अनकॅप्ड आंतरराष्ट्रीय – 104 खेळाडू

✍️ 1574 Player Registrations

🧢 320 capped players, 1,224 uncapped players, & 30 players from Associate Nations

🎰 204 slots up for grabs

🗓️ 24th & 25th November 2024

📍 Jeddah, Saudi Arabia

Read all the details for the upcoming #TATAIPL Mega Auction 🔽🤩

— IndianPremierLeague (@IPL) November 5, 2024

सर्व 10 आयपीएल संघांनी 31 ऑक्टोबर रोजी आपापल्या रिटेन्शन याद्या जाहीर केल्या होत्या. मेगा लिलावापूर्वी एकूण 46 खेळाडूंना कायम ठेवण्यात आले होते, ज्यावर एकूण 558.5 कोटी रुपये खर्च करण्यात आले आहेत. राखून ठेवलेल्या खेळाडूंमध्ये हेनरिक क्लासेन सर्वात महागडा ठरला, त्याला सनरायझर्स हैदराबादने 23 कोटी रुपयांमध्ये कायम ठेवले. दुसरीकडे, विराट कोहली आयपीएलच्या इतिहासात सर्वाधिक रकमेसाठी कायम ठेवणारा खेळाडू ठरला आहे. त्याला रॉयल चॅलेंजर्स बंगळुरूने (आरसीबी) 21 कोटी रुपयांमध्ये कायम ठेवले आहे.

Olympics 2036 : भारताकडून 2036 साली होणाऱ्या ऑलिम्पिकसाठी प्रस्ताव, ‘या’ अहवालात झाला मोठा खुलासा…

राजस्थान रॉयल्स आणि कोलकाता नाईट रायडर्स या दोन संघांनी सर्व 6 खेळाडूंना कायम ठेवले आहे. या संघांना यापुढे लिलावात राईट टू मॅच कार्ड खेळता येणार नाही. मुंबई इंडियन्स, चेन्नई सुपर किंग्स, लखनौ सुपर जायंट्स, सनरायझर्स हैदराबाद आणि गुजरात टायटन्स यांनी प्रत्येकी पाच खेळाडूंना कायम ठेवले आहे, त्यामुळे या संघांना कोणत्याही एका खेळाडूला राईट टू मॅच कार्ड वापरण्याची परवानगी असेल. दरम्यान, पंजाब किंग्जने केवळ 2 खेळाडूंना रिटेन करून सर्वांना चकित केले होते. ऋषभ पंत, जोस बटलर, केएल राहुल आणि श्रेयस अय्यर यांसारखे प्रसिद्ध खेळाडू मेगा लिलावात सहभागी होणार आहेत.