IPL Auction 2025 : पंजाब किंग्जचा युवा फलंदाज शशांक सिंगने सातत्याने चांगली फलंदाजी दाखवली आहे. या फलंदाजाने अनेक सामन्यांमध्ये आपल्या झंझावाती खेळीने चाहत्यांची मने जिंकली. याशिवाय पंजाब किंग्जचा आशुतोष शर्मा आपली चमक दाखवण्यात यशस्वी ठरला. तर कोलकाता नाईट रायडर्सचा अंगक्रृश रघुवंशीही मागे राहिला नाही. तसेच सनरायझर्स हैदराबादच्या नितीश कुमार रेड्डीने आपल्या फलंदाजीने चाहत्यांना प्रभावित केलं आहे. या खेळाडूंना संबंधित संघांनी अत्यंत कमी रक्कम देऊन करारबद्ध केले असले तरी आगामी आयपीएल लिलावात या खेळाडूंवर पैशांचा वर्षाव होऊ शकतो, असे मानले जात आहे. यंदाच्या हंगामात 20 लाख रुपये मिळाले असले तरी आता… पंजाब किंग्सने केवळ 20 लाख रुपयांमध्ये शशांक सिंगला संघात घेतले होते. पण या फलंदाजाने आपल्या खेळाने चाहत्यांची मने जिंकली. या मोसमात आतापर्यंत शशांक सिंगने 10 सामन्यात 72 च्या सरासरीने 288 धावा केल्या आहेत. त्याचवेळी पंजाब किंग्जने आशुतोष शर्माला मूळ किंमत म्हणजेच 20 लाख रुपयांना खरेदी केले होते, मात्र या फलंदाजाने आपल्या तुफानी फलंदाजीने क्रिकेट चाहत्यांचे लक्ष वेधून घेतले. आशुतोष शर्माने 7 सामन्यात 189.29 च्या स्ट्राईक रेटने 159 धावा केल्या आहेत. विशेषत: आशुतोष आणि शशांक ज्या सहजतेने षटकार आणि चौकार मारत आहेत, ते पाहता आगामी लिलावात शशांक सिंग आणि आशुतोष शर्मा यांच्यावर कोट्यवधी रुपयांचा पाऊस पडू शकतो, असे मानले जात आहे. ‘या’ युवा खेळाडूंवरही लिलावात होणार पैशांचा वर्षाव… त्याचबरोबर या यादीत तिसरे नाव आहे कोलकाता नाईट रायडर्सच्या अंगकृश रघुवंशीचे. शाहरुख खानच्या संघाने लिलावात या युवा फलंदाजाला अवघ्या 20 लाख रुपयांना संघात सामील करून घेतले. पण हा फलंदाज आपल्या कर्तृत्वाने क्रिकेट चाहत्यांचे लक्ष वेधून घेण्यात यशस्वी ठरला. अंगकृश रघुवंशीने 8 सामन्यात 161.64 च्या स्ट्राईक रेटने आणि 23.6 च्या सरासरीने 118 धावा केल्या आहेत. IPL 2024 : इंग्लंडमुळे संपणार का प्लेऑफचा थरार? ‘हे’ 8 खेळाडू परतणार मायदेशी, जाणून घ्या कारण…. त्याचप्रमाणे सनरायझर्स हैदराबादच्या नितीश कुमार रेड्डी यानेही आपले कौशल्य दाखवून दिले. सनरायझर्स हैदराबादने नितीश कुमार रेड्डी याला 20 लाख रुपयांना विकत घेतले होते, मात्र या युवा फलंदाजाने आपल्या फलंदाजीने क्रिकेटच्या दिग्गजांना चकित केले. नितीश कुमार रेड्डी याच्या नावावर 9 सामन्यात 154.23 च्या स्ट्राईक रेट आणि 54.75 च्या सरासरीने 219 धावा आहेत. याशिवाय गोलंदाज म्हणून त्याच्या नावावर 3 विकेट्स आहेत. IPL 2024 (RR vs SRH Match 50) : पराग-जैस्वालची स्फोटक खेळी व्यर्थ, हैदराबादचा राजस्थानवर 1 धावेनं विजय… दरम्यान, असे मानले जात आहे की, संबंधित संघांनी या 4 खेळाडूंना अवघ्या 20 लाख रुपयांमध्ये जोडले असले तरी आगामी आयपीएल लिलावात संघ या युवा खेळाडूंवर कोट्यवधी रुपये खर्च करू शकतात.
