Pakistan Beat India by 6 Wickets in Hong Kong Sixes : ‘हाँगकाँग सिक्सिज’ स्पर्धेतील बहुचर्चित आणि हाय-व्होल्टेज सामन्यात पाकिस्तानने भारताला ४ गडी राखून धुळ चारली आहे. भारताने विजयासाठी दिलेले ८९ धावांचे लक्ष्य पाकिस्तानने अवघ्या ३.५ षटकांत (२३ चेंडूंत) २ गडी गमावून सहज गाठले. भारताकडून शशांक सिंग याने केलेली आक्रमक फटकेबाजी वगळता इतर फलंदाज आणि गोलंदाजांनी निराशाजनक खेळ केला. त्यामुळे भारतीय संघाला या एकतर्फी सामन्यात लाजिरवाण्या पराभवाला सामोरे जावे लागले.

शशांक सिंगचे ११ चेंडूंत ४० धावांचे वादळ –

नाणेफेक गमावून प्रथम फलंदाजी करणाऱ्या भारतीय संघाने ६ षटकांत ५ बाद ८८ धावा केल्या. भारताकडून शशांक सिंगने एकाकी झुंज देत अवघ्या ११ चेंडूंत २ चौकार आणि ५ षटकारांसह ३६३.६४ च्या स्ट्राईक रेटने ४० धावा कुटल्या. अखेरच्या टप्प्यात टी. नटराजनने नाबाद १२ धावा करत संघाला ८८ धावांचा टप्पा गाठून दिला.

नितीश राणाची संथ खेळी; कृणाल-तेवतिया शून्यावर बाद –

शशांक सिंग वेगाने धावा जमवत असताना दुसऱ्या बाजूने नितीश राणा कमालीचा संथ खेळला. त्याने १४ चेंडूंत केवळ १९ धावा केल्या आणि तो ‘रिटायर आऊट’ झाला. राहुल त्रिपाठीने ९ धावा केल्या, तर राहुल तेवतिया आणि कर्णधार कृणाल पड्या या दोघांना अब्दुल समदने भोपळाही फोडू न देता सलग बाद केले.

Pakistan completely outclass India in the Hong Kong Sixes! 🇵🇰🔥 A dominant performance by the Green Shirts!

#PakistanCricket #HongKongSixes #PAKvIND #CricketNews https://t.co/K9ip7UCGQY

— Cricket 360 (@RealCrickets360) October 30, 2026

पाकिस्तानची अचूक गोलंदाजी; समदच्या दोन विकेट्स –

पाकिस्तानकडून फिरकीपटू अब्दुल समदने आपल्या एका षटकात केवळ १० धावा देत दोन महत्त्वाच्या विकेट्स घेतल्या. अहमद दानियालने २ षटकांत २१ धावांत १ विकेट्स, तर मोहम्मद शहजादने २२ धावांत १ विकेट घेतली. इरफान खानने एका षटकात २४ धावा दिल्या असल्या, तरी समदच्या अचूक माऱ्याने भारताची मधली फळी उद्ध्वस्त केली.

हेही वाचा – Mumbai Indians Coaches : मुंबई इंडियन्सच्या नव्या कोचिंग स्टाफची घोषणा! जुन्या मॅचविनर्सची घरवापसी; पाहा कोणाकडे कोणती जबाबदारी?

कृणालच्या एकाच षटकात ३१ धावा; पाकिस्तानची तुफानी फटकेबाजी

Pakistan registered a 4-wicket win over India in the Hong Kong Sixes tournament on Friday.

#HongKongSixes #INDvPAK https://t.co/WfqpJ4qSo7

— Circle of Cricket (@circleofcricket) October 30, 2026

प्रत्युत्तरात ८९ धावांच्या लक्ष्याचा पाठलाग करताना पाकिस्तानच्या फलंदाजांनी भारतीय गोलंदाजांची पळता भुई थोडी केली. ख्वाजा नफेने १२ चेंडूंत ४१ धावा (२ चौकार, ५ षटकार) आणि कर्णधार अब्बास आफ्रिदीने अवघ्या ८ चेंडूंत ३५ धावा (१ चौकार, ५ षटकार) ठोकत भारताला निष्प्रभ केले. कर्णधार कृणाल पंड्याने एकाच षटकात तब्बल ३१ धावा दिल्या, तर नटराजनने २८ धावा दिल्या. शशांक आणि तेवतियाला प्रत्येकी एक विकेट्स मिळाली, मात्र तोपर्यंत पाकिस्तानने विजय साकारला होता.