IPL 2024 (DC vs KKR Match 16) Sunil Narine : आयपीएल 2024 चा 16 वा सामना कोलकाता नाईट रायडर्स आणि दिल्ली कॅपिटल्स यांच्यात विशाखापट्टणम येथे खेळला जात आहे. केकेआरचा कर्णधार श्रेयस अय्यरचा प्रथम फलंदाजी करण्याचा निर्णय चांगलाच ठरला आहे, कारण सुनील नरेनच्या झंझावाताने दिल्लीच्या गोलंदाजीचे कंबरडे मोडले आहे.

ॲनरिक नॉर्टजेपासून अक्षर पटेल आणि इशांत शर्मापर्यंत सुनीलने ( Sunil Narine ) त्याची चांगलीच धुलाई केली आहे. इशांत शर्मासारख्या अनुभवी गोलंदाजाकडून अधिक धावा देण्याची आशा कमी असली, तरी सुनीलने त्याच्या षटकांत चौकार आणि षटकारही मारले आहेत. सुनील नरेनने 39 चेंडूंच्या खेळीत 85 धावा केल्या.

इशांत शर्माच्या षटकात 26 धावा …

केकेआरच्या डावातील तिसरे षटक संपेपर्यंत सुनील नरेन 9 चेंडूत 8 धावा काढून खेळत होता. चौथे षटक टाकण्यासाठी इशांत शर्मा आला, त्याचा पहिला चेंडू सीमारेषेबाहेर सुनील नरेनने षटकार मारला. शर्माने फलंदाजाला चकवा देण्यासाठी एक छोटा चेंडू टाकला, पण त्यावरही नरेनने जोरदार षटकार ठोकला. तिसऱ्या चेंडूवर चौकार लागल्यानंतर इशांतने पहिल्या 3 चेंडूत 16 धावा दिल्या होत्या. नरेनचा चौथा चेंडू चुकला असला तरी पाचव्या चेंडूवर तो पुन्हा एकदा षटकार मारण्यासाठी सज्ज झाला. पाचव्या चेंडूवर षटकार मारल्यानंतर नरेनने ओव्हरच्या शेवटच्या चेंडूवर चौकार मारून एकूण 26 धावा केल्या. या षटकात इशांतला 3 षटकार आणि 2 चौकार मारले. सुनील नरेनच्या खेळीबद्दल बोलायचे तर त्याने डीसीविरुद्ध 85 धावा करताना 7 चौकार आणि 7 षटकारही मारले.

IPL 2024 : पराभवाच्या हॅट्ट्रिकनंतर Mumbai Indians साठी मोठी बातमी, ‘या’ खेळाडूला आयपीलसाठी मिळाला ग्रीन सिग्नल…

आयपीएल कारकिर्दीतील नोंदवली सर्वोच्च धावसंख्या…

सुनील नरेनने दिल्ली कॅपिटल्सविरुद्धच्या सामन्यात त्याच्या आयपीएल कारकिर्दीतील सर्वोच्च वैयक्तिक धावसंख्याही केली आहे. यापूर्वी, त्याची सर्वोच्च धावसंख्या 75 होती, जी त्याने 2018 मध्ये पंजाब किंग्जविरुद्ध केली होती. त्या डावात नरेनने केवळ 36 चेंडूत 75 धावा केल्या होत्या, ज्यात त्याने 9 चौकार आणि 4 गगनचुंबी षटकारही ठोकले होते. आता त्याची दिल्ली कॅपिटल्सविरुद्धची 85 धावांची खेळी नरेनची केवळ आयपीएलमध्येच नाही तर त्याच्या संपूर्ण टी20 कारकिर्दीतील सर्वोच्च धावसंख्या बनली आहे.