Indian Premier League 2024 (Live Cricket Score, CSK vs SRH) : आयपीएल 2024 च्या 46 व्या सामन्यात चेन्नई सुपर किंग्ज आणि सनरायझर्स हैदराबाद आमने-सामने होते. हा सामना चेन्नईच्या एमए चिदंबरम स्टेडियमवर पार पडला. या सामन्यात चेन्नई सुपर किंग्जने सनरायझर्स हैदराबादचा 78 धावांनी पराभव केला आहे.

CSK च्या विजयाचे सर्वात मोठे हिरो होते ऋतुराज गायकवाड आणि तुषार देशपांडे. गायकवाडने 98 धावांची खेळी खेळली, तर देशपांडेने 4 महत्त्वाचे बळी घेतले. लक्ष्याचा पाठलाग करताना एसआरएच संघ 134 धावांवर सर्वबाद झाला.

हैदराबादकडून मार्करमने सर्वाधिक 32 धावांची खेळी केली. क्लासेनने 20 धावा केल्या. यादरम्यान चेन्नईकडून गोलंदाजी करताना तुषार देशपांडेने सर्वाधिक 4 बळी घेतले. पाथीराना आणि मुस्तफिझूरने 2-2 विकेट घेतल्या. जडेजा आणि शार्दुलने 1-1 विकेट घेतली.

हैदराबादवर मोठ्या विजयासह, चेन्नईने गुणतालिकेत तीन स्थानांची मोठी झेप घेतली आणि पाच विजयांसह 10 गुणांसह गुणतालिकेत तिसरे स्थान गाठले आहे, तर हैदराबाद संघ सलग दोन पराभवांसह चौथ्या स्थानावर आहे.

तत्पूर्वी, सनरायझर्स हैदराबादने नाणेफेक जिंकून चेन्नई सुपर किंग्जला फलंदाजी दिली. नाणेफेक हारल्यानंतर प्रथम फलंदाजी करणाऱ्या चेन्नई सुपर किंग्जने 20 षटकांत 3 गडी गमावून 212 धावा केल्या होत्या. सीएसके तर्फे कर्णधार रुतुराज गायकवाडने सर्वाधिक धावा केल्या, ज्याने 54 चेंडूत 98 धावांची शानदार खेळी करत संघाला मोठ्या धावसंख्येपर्यंत नेले. त्याच्याशिवाय डॅरिल मिशेलनेही अर्धशतकी खेळी खेळली. त्याने 32 चेंडूत 52 धावा केल्या, ज्यामध्ये त्याने 7 चौकार आणि 1 षटकार मारला. शेवटच्या षटकांमध्ये, शिवम दुबेने हैदराबादच्या गोलंदाजांची चांगलीच धुलाई करत 20 चेंडूत 39 धावा केल्या. हैदराबादकडून टी नटराजन, भुवनेश्वर कुमार आणि जयदेव उनाडकट यांनी प्रत्येकी 1 बळी घेतला.

Innings Break!#CSK post 212/3 with solid contributions from the batting unit 🎯

Which team will get back to winning ways? 🤔

Scorecard ▶️ https://t.co/uZNE6v8QzI#TATAIPL | #CSKvSRH pic.twitter.com/RbehVgrQG3

— IndianPremierLeague (@IPL) April 28, 2024

पॉवरप्ले ओव्हर्समध्येच सीएसकेच्या मोठ्या धावसंख्येचा पाया रचला गेला. चेन्नईने पहिल्या 6 षटकात 1 गडी गमावून 50 धावा केल्या होत्या. रुतुराज गायकवाड आणि डॅरिल मिशेल यांच्यात 107 धावांची उत्कृष्ट भागीदारी झाल्याने मधल्या षटकांमध्ये धावगती कमी होण्याऐवजी वाढली. 15 षटकांनंतर चेन्नई सुपर किंग्जने 2 गडी गमावून 148 धावा केल्या होत्या. डेथ ओव्हर्समध्ये रन रेट खूप वेगाने वाढणार होता कारण शिवम दुबेने क्रीजवर येताच आपले इरादे स्पष्ट केले. पुढील 3 षटकांत संघाने 42 धावा केल्या होत्या, त्यामुळे सीएसकेने 18 षटकांत 192 धावा केल्या होत्या. गायकवाडने 20 व्या षटकात आपली विकेट दिली. ज्याने 98 धावांच्या खेळीत 10 चौकार आणि 3 षटकार मारले. शेवटच्या षटकात एमएस धोनी आला आणि त्याने 2 चेंडूत 5 धावा केल्या.

IPL 2024 (GT vs RCB Match 45) : ‘जॅक-कोहली’समोर गुजरात झुकले, आरसीबीचा 9 विकेट्सने दणदणीत विजय….

सनरायझर्स हैदराबादच्या गोलंदाजीची सुरुवात चांगली झाली. भुवनेश्वर कुमारने केवळ 9 धावांवर अजिंक्य रहाणेला पॅव्हेलियनमध्ये पाठवून विरोधी संघाला सुरुवातीचा धक्का दिला होता. मात्र त्यानंतर गोलंदाजांना चांगलाच फटका बसला. हैदराबादसाठी, फक्त टी नटराजन, भुवनेश्वर कुमार आणि जयदेव उनाडकट यांनाच विकेट घेता आली, ज्यांनी प्रत्येकी 1 बळी घेतला. शाहबाज अहमदने 3 षटकात 33 तर भुवनेश्वरने 38 धावा दिल्या. टी नटराजनने एक विकेट घेतली, पण त्याने 10 पेक्षा जास्त इकॉनॉमी रेटने धावाही दिल्या.