IND Vs AFG : अफगाणिस्तानविरुद्धच्या आगामी टी-20 मालिकेसाठी भारतीय क्रिकेट नियामक मंडळाने १५ सदस्यीय तगड्या संघाची (IND Vs AFG) अधिकृत घोषणा केली आहे.

आगामी १३ सप्टेंबर २०२६ पासून दिल्लीच्या अरुण जेटली स्टेडियमवर ही तीन सामन्यांची थरारक मालिका रंगणार आहे. या अत्यंत महत्त्वाच्या मालिकेसाठी भारतीय संघाची धुरा धडाकेबाज फलंदाज श्रेयस अय्यरकडे सोपवण्यात आली असून तिलक वर्माकडे उपकर्णधारपदाची धुरा असेल.

झिम्बाब्वे दौऱ्यावर खेळलेल्या संघात मोठे फेरबदल (IND Vs AFG) करत निवड समितीने सर्वांनाच चकित केले आहे. दुखापतीतून सावरलेल्या जसप्रीत बुमराहसह नितीश कुमार रेड्डी, हर्षित राणा आणि वॉशिंग्टन सुंदर यांचे संघात पुनरागमन झाले असले, तरी त्यांच्या निवडीभोवती मोठा सस्पेन्स निर्माण झाला आहे.

या चारही प्रमुख खेळाडूंच्या नावापुढे स्टारमार्क लावण्यात आला असून त्यांचे अंतिम अकरामध्ये खेळणे हे पूर्ण फिटनेस क्लिअरन्सवरच अवलंबून असणार आहे; त्यामुळे अखेरच्या क्षणी संघात मोठे बदल होण्याची शक्यता नाकारता येत नाही.

दुसरीकडे, संजू सॅमसनचे संघात पुनरागमन झाल्याने यष्टीरक्षक फलंदाज म्हणून संजू सॅमसन आणि इशान किशन या दोघांपैकी कोणाला अंतिम अकरामध्ये संधी मिळणार, यावरून संघ व्यवस्थापनात मोठी चुरस रंगणार आहे.

India’s squad for Afghanistan T20I series announced. #TeamIndia will play three T20Is against Afghanistan at New Delhi, beginning September 13.#AFGvIND pic.twitter.com/UqTUeZyHz8

— BCCI (@BCCI) September 1, 2026

सलामीला पुन्हा एकदा युवा जोडी अभिषेक शर्मा आणि वैभव सूर्यवंशी प्रतिस्पर्धी गोलंदाजांवर हल्ला चढवताना दिसतील. अष्टपैलू खेळाडू म्हणून शिवम दुबे आणि अक्षर पटेलवर मोठी मदार असेल, तर फिरकीची धुरा वरुण चक्रवर्ती आणि रवी बिश्नोई सांभाळतील.

वेगवान माऱ्यात अर्शदीप सिंगसोबत (IND Vs AFG) बुमराह आणि हर्षित राणा भारताचे आक्रमण मजबूत करतील. झिम्बाब्वे दौऱ्यातील रिंकू सिंग, मयंक यादव, प्रभसिमरन सिंग यांसारख्या अनेक युवा चेहऱ्यांना वगळून निवड समितीने या नव्या संघबांधणीतून आगामी मोठ्या स्पर्धांच्या दृष्टीने रणनीती आखल्याचे स्पष्ट संकेत दिले आहेत.

भारत अफगाणिस्तान टी20 सामन्यांचं वेळापत्रक
पहिला टी20 सामना: 13 सप्टेंबर 2026 (नवी दिल्ली)
दुसरा टी20 सामना: 15 सप्टेंबर 2026 (नवी दिल्ली)
तिसरा टी20 सामना: 17 सप्टेंबर 2026 (नवी दिल्ली)

अफगाणिस्तान टी20 मालिकेसाठी भारतीय संघ
श्रेयस अय्यर (कर्णधार), अभिषेक शर्मा, वैभव सूर्यवंशी, संजू सॅमसन, इशान किशन, तिलक वर्मा (उपकर्णधार), शिवम दुबे, नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवि बिश्नोई, जसप्रीत बुमराह, अर्शदीप सिंह, हर्षित राणा.