Ravichandran Ashwin Picks Indias All Time Greatest Cricketer Sachin Tendulkar : भारताचा दिग्गज ऑफ-स्पिनर रविचंद्रन अश्विनने (Ravichandran Ashwin) एका रंजक ‘ब्रॅकेट गेम’मध्ये भारतीय क्रिकेट इतिहासातील सर्वकालीन महान (All-Time Greatest) क्रिकेटपटूंची निवड केली आहे. या दरम्यान अश्विनने वेगवेगळ्या कालखंडातील दिग्गज खेळाडूंची तुलना करत अखेर मास्टर ब्लास्टर सचिन तेंडुलकरला (Sachin Tendulkar) भारताचा ‘ऑलटाईम सर्वोत्कृष्ट’ क्रिकेटर घोषित केले. मात्र, या निवडीदरम्यान अश्विनने विराट कोहली आणि एमएस धोनीबाबत घेतलेल्या काही अनपेक्षित निर्णयांनी क्रिकेट चाहत्यांचे लक्ष वेधून घेतले आहे.

विराट कोहली की जसप्रीत बुमराह? अश्विनच्या उत्तराने सर्वांना चकित केले –

क्वार्टर फायनलच्या फेरीत जेव्हा भारताचा ‘रन मशीन’ विराट कोहली आणि यॉर्कर किंग जसप्रीत बुमराह यांच्यात तुलना झाली, तेव्हा अश्विन काही काळ द्विधा मनःस्थितीत होता. अश्विन म्हणाला, “कसोटी क्रिकेटमध्ये विराट कोहली एक परिपूर्ण लेजेंड आहे, यात शंकाच नाही. पण जर एका महत्त्वाच्या स्पर्धेचा किंवा मॅच विनरचा विचार केला, तर मी जसप्रीत बुमराहची निवड करेन. कदाचित गोलंदाज असल्यामुळे माझ्यात थोडा पक्षपातीपणा असू शकतो, पण मी बुमराहच्या बाजूने जाईन.”

धोनीवर सेहवाग भारी; जडेजामुळेही अश्विनचे मन डगमगले –

Ravichandran Aswini pick Jaspreet Bumrah over the Virat Kohli but Kapil Dev over the Jaspreet Bumrah 🤣🤣 anyone can clarify me what is the logic behind the selection?? pic.twitter.com/M0mD1SVwOC

— Satya¹⁸ (@duary_satyajit) August 29, 2026

एमएस धोनी आणि रवींद्र जडेजा यांच्यातील लढतीत अश्विनने कर्णधारपद व अष्टपैलू योगदानामुळे धोनीची निवड केली. मात्र, पुढील फेरीत धोनीचा सामना जेव्हा स्फोटक सलामीवीर वीरेंद्र सेहवागशी झाला, तेव्हा अश्विनने धोनीऐवजी सेहवागला पसंती देऊन सर्वांनाच आश्चर्याचा धक्का दिला. त्यापूर्वी सेहवागने पहिल्या फेरीत थेट सुनील गावस्करांनाही मागे टाकले होते. स्वतःची तुलना माजी कर्णधार सौरव गांगुलीशी करताना अश्विनने स्वतःला शर्यतीतून बाहेर ठेवून गांगुलीला पुढे पाठवले.

हेही वाचा – Joanne Hicks Record : आंतरराष्ट्रीय क्रिकेटमध्ये मोडला गेला ९४ वर्षांचा वर्ल्ड रेकॉर्ड! ५१ वर्षीय खेळाडूने केला ‘हा’ खास पराक्रम

कपिल देव यांना हरवून सचिन तेंडुलकर बनला ‘अल्टीमेट चॅम्पियन’ –

उपांत्य फेरीत सचिन तेंडुलकरने सेहवागला पराभूत केले, तर १९८३ च्या विश्वचषक विजयामुळे कपिल देव यांनी बुमराहला मागे टाकले. अखेर अंतिम फेरीत सचिन तेंडुलकर विरुद्ध कपिल देव अशी टक्कर झाली. अश्विनने सचिनच्या अतुलनीय योगदानाला आणि वैयक्तिक प्रभावाला प्राधान्य देत सचिन तेंडुलकरची भारताचा सार्वकालिक महान क्रिकेटपटू म्हणून निवड केली. अश्विनच्या या रोखठोक आणि चकित करणाऱ्या निवडीची सध्या सोशल मीडियावर जोरदार चर्चा सुरू आहे.