Abhishek Sharma 77 Off 26 Balls Sher E Punjab T20 Laila Faisal Viral Photo Dating Rumours : भारतीय टी-२० संघातील स्फोटक सलामीवीर आणि ‘अमृतसर सुरमा’चा कर्णधार अभिषेक शर्माने (Abhishek Sharma) शेर-ए-पंजाब टी-२० लीग २०२६ च्या सलामीच्या सामन्यात चौफेर फटकेबाजी करत मैदान दणाणून सोडले. मोहालीच्या आयएस बिंद्रा स्टेडियमवर ‘मोहाली किंग्स’विरुद्ध खेळताना अभिषेकने अवघ्या २६ चेंडूंत ७७ धावांची वादळी खेळी साकारली. या तडाखेबाज खेळीनंतर मैदानाबाहेर त्याची कथित काश्मिरी गर्लफ्रेंड लैला फैसल (Laila Faisal) हिचा फोटो सोशल मीडियावर तुफान व्हायरल झाला असून त्यांच्या नात्याची पुन्हा जोरदार चर्चा सुरू झाली आहे.

२९६.१५ चा स्ट्राईक रेट; ७ षटकार अन् ६ चौकारांनी उडवला धुरळा!

मोहाली किंग्सने नाणेफेक जिंकून प्रथम गोलंदाजीचा निर्णय घेतल्यानंतर अभिषेक शर्माने सहज धवनसह डावाची आक्रमक सुरुवात केली. सुरुवातीपासूनच गोलंदाजांवर तुटून पडत त्याने ६ चौकार आणि ७ उत्तुंग षटकारांची आतषबाजी केली. २९६.१५ च्या विस्मयकारक स्ट्राईक रेटने धावा कुटत त्याने विरोधी संघाच्या गोलंदाजांना निष्प्रभ केले. त्याच्या या स्फोटक खेळीच्या जोरावर अमृतसर सुरमाने धावफलकावर तब्बल २५८ धावांचा डोंगर उभारला होता; मात्र एवढी मोठी धावसंख्या उभारूनही त्याच्या संघाला पराभव पत्करावा लागला.

Abhishek Sharma’s girlfriend Laila Faisal and his sister’s amazing reaction to his incredible 26-ball 77-run innings in the Sher-e-Punjab T20 League 2026. 🥶

Well played, Abhishek Sharma! 👏 pic.twitter.com/YA9vQiNxp7

— Sonu (@Cricket_live247) August 30, 2026

आशियाई क्रीडा स्पर्धेपूर्वी अभिषेकचा फॉर्म टीम इंडियासाठी दिलासादायक –

गेल्या काही महिन्यांत आंतरराष्ट्रीय स्तरावर अभिषेकला सातत्य राखता आले नव्हते. मात्र, आगामी आशियाई क्रीडा स्पर्धेपूर्वी (Asian Games 2026) त्याने स्थानिक लीगमध्ये अशा पद्धतीने फॉर्म मिळवणे ही टीम इंडियासाठी अत्यंत दिलासादायक बाब ठरली आहे. मोठ्या सामन्यांत आपल्या आक्रमक फलंदाजीने प्रतिस्पर्ध्यांचे मनोधैर्य खचवून टाकण्याची क्षमता त्याच्यात असल्याचे त्याने या खेळीतून पुन्हा एकदा सिद्ध केले.

हेही वाचा – IPL Impact Player : IPL मधील ‘इम्पॅक्ट प्लेयर’ नियम रद्द होणार? बीसीसीआयने सर्व फ्रँचायझींना पाठवले महत्त्वाचे पत्र

आयपीएल २०२५ पासून डेटिंगची चर्चा; ‘मिस्ट्री गर्ल’ लैला फैसल कोण?

Meet “Laila Faisal”
Girlfriend of Abhishek Sharma

Educated in London
She hails from a prominent family in Kashmir and runs her own luxury brand.

It is being said that she is in a relationship with Indian Cricketer Abhishek Sharma.

The two have been spotted together several… pic.twitter.com/XXLUgGQkXz

— Soniya Deshwal (@ImSoniya24) May 2, 2026

अभिषेकच्या या खेळीनंतर लैला फैसलची सोशल मीडियावर पुन्हा चर्चा रंगली आहे. आयपीएल २०२५ च्या हंगामात सनरायझर्स हैदराबादच्या सामन्यांदरम्यान ती अभिषेकची बहीण कोमल शर्मासोबत व्हीआयपी स्टँड्समध्ये दिसली होती. तसेच, कोमलच्या लग्नसोहळ्यातही तिने विशेष हजेरी लावली होती. तेव्हापासून या दोघांमध्ये डेटिंग सुरू असल्याच्या चर्चांना उधाण आले असून, अभिषेकच्या ताज्या वादळी खेळीनंतर पुन्हा एकदा लैलाच्या प्रतिक्रियेकडे नेटकऱ्यांचे लक्ष लागले आहे.