IND vs AFG T20 Series Rinku Singh Dropped Wasim Jaffer Reaction : भारत आणि अफगाणिस्तान यांच्यातील तीन सामन्यांची टी-२० मालिका १३ सप्टेंबरपासून नवी दिल्लीत खेळवली जाणार आहे. या मालिकेसाठी बीसीसीआयने १५ सदस्यीय भारतीय संघाची घोषणा केली आहे. श्रेयस अय्यरच्या नेतृत्वाखालील या संघात तब्बल ८ मोठे बदल करण्यात आले आहेत. मात्र, सातत्यपूर्ण कामगिरी करणाऱ्या स्टार फिनिशर रिंकू सिंगला (Rinku Singh) संघातून अचानक वगळण्यात आल्याने भारताचा माजी सलामीवीर वसीम जाफरने निवड समितीच्या कारभारावर तीव्र संताप व्यक्त केला आहे.

“रिंकू सिंग दुर्दैवी, त्याला विनाकारण बाहेर काढले!”; वसीम जाफरची सडकून टीका

आपल्या यूट्यूब चॅनेलवर नाराजी व्यक्त करताना वसीम जाफर म्हणाला, “रिंकू सिंगसाठी वाईट वाटत आहे. त्याने कोणतीही चूक केलेली नाही, तरीही त्याला विनाकारण संघातून वगळण्यात आले. रिंकू अत्यंत कठीण क्रमांकावर फलंदाजीला येतो, तरीही मिळालेल्या प्रत्येक संधीत त्याने सर्वोत्तम कामगिरी केली आहे. आयपीएल, यूपी टी-२० लीग (२१९.४८ स्ट्राइक रेटने १६९ धावा) आणि दुलीप ट्रॉफीतही त्याने चमकदार कामगिरी केली. तरीही त्याला बाहेर बसवणे हा त्याच्यावरील मोठा अन्याय असून तो अतिशय दुर्दैवी ठरला आहे.”

प्रभसिमरन आणि मयंक यादवही बाहेर; श्रेयस अय्यरकडे कर्णधारपदाची धुरा!

🚨🗣️Wasim Jaffer : ” He has played very well in the IPL, and even recently,

Whether you talk about the Uttar Pradesh Premier League or the Duleep Trophy.

So, I feel Rinku Singh is unfortunate that he hasn’t been able to make his place in the team.” @Sportskeeda pic.twitter.com/qOy7S6Cxcd

— TheWicketReport (@WicketReport) September 3, 2026

निवड समितीने झिम्बाब्वेविरुद्ध खेळणाऱ्या संघातून रिंकू सिंगसह प्रभसिमरन सिंग, मयंक यादव आणि प्रिन्स यादव या खेळाडूंना डच्चू दिला आहे. आगामी आशियाई क्रीडा स्पर्धेची (Asian Games) रणनीती लक्षात घेऊन हा संघ निवडण्यात आला आहे. संघात युवा वैभव सूर्यवंशीसह संजू सॅमसन, इशान किशन, तिलक वर्मा आणि शिवम दुबे यांना मधल्या फळीत मोठी जबाबदारी देण्यात आली आहे.

हेही वाचा – Dhoni Hookah Video : “मी हुक्का ओढून येतो…”; पंतसमोर धोनीचे ‘ते’ शब्द! नव्या व्हायरल व्हिडिओने सोशल मीडियावर पेटवला वाद

बुमराहचे संघात पुनरागमन; मात्र खेळणे फिटनेसवर अवलंबून –

गुडघ्याच्या दुखापतीमुळे श्रीलंका दौऱ्याला मुकलेला स्टार वेगवान गोलंदाज जसप्रीत बुमराह संघात परतला आहे. मात्र, त्याचे प्रत्यक्ष मैदानात उतरणे वैद्यकीय चाचणी आणि फिटनेस मंजुरीवर अवलंबून असेल. बुमराहव्यतिरिक्त अष्टपैलू नितीश कुमार रेड्डी, वॉशिंग्टन सुंदर आणि हर्षित राणा यांची निवडही फिटनेस क्लिअरन्सच्या अधीन ठेवण्यात आली आहे.

हेही वाचा – Rohit Sharma Future : बीसीसीआयच्या बैठकीनंतर हिटमॅनच्या भवितव्यावर शिक्कामोर्तब! सचिव सैकिया म्हणाले, ‘रोहित शर्मा सध्या..”

अफगाणिस्तानविरुद्धच्या टी-२० मालिकेसाठी भारतीय संघ:

श्रेयस अय्यर (कर्णधार), अभिषेक शर्मा, वैभव सूर्यवंशी, संजू सॅमसन, इशान किशन, तिलक वर्मा, शिवम दुबे, नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवी बिश्नोई, जसप्रीत बुमराह, अर्शदीप सिंग, हर्षित राणा.