India Squad Announce For New Zealand T20I Series Bhuvneshwar Kumar Returns : घरच्या मैदानावर वेस्ट इंडिजविरुद्धच्या टी-२० मालिकेनंतर भारतीय संघ लगेचच न्यूझीलंड दौऱ्यावर रवाना होणार आहे. या दौऱ्यात उभय संघांमध्ये ५ सामन्यांची रोमांचक टी-२० मालिका खेळवली जाईल. या मालिकेसाठी बीसीसीआयने भारतीय संघाची घोषणा केली आहे. संघाच्या कर्णधारपदाची धुरा श्रेयस अय्यरकडे सोपवण्यात आली असून, युवा धडाकेबाज फलंदाज तिलक वर्माला उपकर्णधारपद देण्यात आले आहे. या निवडीत सर्वात मोठा धक्का म्हणजे अनुभवी स्विंग गोलंदाज भुवनेश्वर कुमारचे (Bhuvneshwar Kumar) वर्षांनंतर आंतरराष्ट्रीय टी-२० संघात पुनरागमन झाले आहे. ही मालिका २२ ऑक्टोबरपासून सुरू होईल.

वैभव सूर्यवंशी अन् प्रिन्स यादवला संधी; संजू-इशानवर मोठी जबाबदारी!

निवड समितीने संघ निवडताना युवा खेळाडू आणि आक्रमक फॉर्मला स्पष्ट पसंती दिली आहे. आशियाई क्रीडा स्पर्धा गाजवणारा युवा फलंदाज वैभव सूर्यवंशी आणि वेगवान गोलंदाज प्रिन्स यादव यांच्यावर मोठा विश्वास दाखवत संघात स्थान दिले आहे. यष्टिरक्षक म्हणून संजू सॅमसन आणि इशान किशन या दोघांचाही समावेश आहे. याशिवाय अभिषेक शर्मा आणि नुकताच पदार्पण केलेला नमन धीर यांच्यावर जलद धावा उभारण्याची मोठी जबाबदारी राहील.

अष्टपैलूंचा भरणा अन् भुवनेश्वर-मयंक यादवची पेस जोडी!

🚨 Announcement 🚨

#TeamIndia’s T20I squad and India A squads for New Zealand tour announced 📝

Bhuvneshwar Kumar makes a comeback to the T20I side 🙌

More Details ▶️ https://t.co/oJ52QSH0DO

#NZvIND https://t.co/btbXlQ0nQD

— BCCI (@BCCI) October 6, 2026

संघाच्या संतुलनासाठी शिवम दुबे, अक्षर पटेल आणि नितीश कुमार रेड्डी या अष्टपैलूंचा समावेश करण्यात आला आहे. फिरकी गोलंदाजीची कमान कुलदीप यादव, रवी बिश्नोई आणि वरुण चक्रवर्ती यांच्यावर असेल. तर न्यूझीलंडच्या उसळत्या खेळपट्ट्यांवर भुवनेश्वर कुमारसोबत अर्शदीप सिंग, मयंक यादव आणि प्रिन्स यादव ही वेगवान फळी मैदानात आग ओकण्यासाठी सज्ज असेल.

हेही वाचा – Naman Dhir Debut : आशियाड गाजवणाऱ्या वैभव सूर्यवंशीचा पत्ता कट! श्रेयस अय्यरच्या संघात अचानक मुंबई इंडियन्सच्या खेळाडूची सरप्राईज एन्ट्री

भारत विरुद्ध न्यूझीलंड टी-२० मालिकेचे वेळापत्रक:

• पहिला टी-२०: २२ ऑक्टोबर २०२६ — हेग्ले ओव्हल, क्राइस्टचर्च
• दुसरा टी-२०: २४ ऑक्टोबर २०२६ — हेग्ले ओव्हल, क्राइस्टचर्च
• तिसरा टी-२०: २७ ऑक्टोबर २०२६ — स्काय स्टेडियम, वेलिंग्टन
• चौथा टी-२०: ३० ऑक्टोबर २०२६ — ईडन पार्क, ऑकलंड
• पाचवा टी-२०: १ नोव्हेंबर २०२६ — सेडन पार्क, हॅमिल्टन