IND vs ZIM T20I Series :- झिम्बाब्वेविरुद्धच्या ५ सामन्यांच्या टी-२० मालिकेसाठी टीम इंडिया झिम्बब्वेला रवाना झाली. झिम्बाब्वे दौऱ्यावर भारताला पाच सामन्यांची टी-२० मालिका खेळायची आहे. या मालिकेतील पहिला सामना हरारे येथे ६ जुलै रोजी होणार आहे.

बीसीसीआयने टी-२० विश्वचषकादरम्यान झिम्बाब्वे मालिकेसाठी भारतीय संघाची घोषणा केली होती. शुभमन गिलला संघाचा कर्णधार करण्यात आला. टी-२० विश्वचषक खेळण्यासाठी गेलेल्या संघातील काही खेळाडूंचाही या संघात समावेश आहे. मात्र, वादळामुळे तो सध्या बार्बाडोसमध्ये अडकून पडला आहे. पण बाकीचे खेळाडू भारतातच होते. ते मुख्य प्रशिक्षक व्हीव्हीएस लक्ष्मण यांच्यासोबत झिम्बाब्वेला रवाना झाले.

Jet ✈️
Set 👌
Zimbabwe 🇿🇼#TeamIndia 🇮🇳 | #ZIMvIND pic.twitter.com/q3sFz639z7

— BCCI (@BCCI) July 1, 2024

बीसीसीआयने आपल्या अधिकृत ट्विटर अकाऊंटवर संघाच्या प्रस्थानाचे काही फोटोही शेअर केले आहेत. बार्बाडोसमध्ये अडकलेल्या खेळाडूंमध्ये यशस्वी जयस्वाल, रिंकू सिंग, खलील अहमद आणि संजू सॅमसन यांचा समावेश आहे. या खेळाडूंना झिम्बाब्वेला कधी आणि कसे पाठवले जाईल याबाबत बीसीसीआयने कोणतीही माहिती दिलेली नाही.

झिम्बाब्वे संघाला आतापर्यंत भारताविरुद्ध कोणतीही मालिका जिंकता आलेली नाही. या दोघांमध्ये आतापर्यंत ३ द्विपक्षीय मालिका खेळल्या गेल्या असून तिन्ही मालिका भारतीय संघाने जिंकल्या आहेत. भारतीय संघाने शेवटचा झिम्बाब्वेचा दौरा २०२२ मध्ये केला होता. या कालावधीत संघाने ३ एकदिवसीय सामन्यांची मालिका खेळली. संघाने तिन्ही सामने जिंकून मालिका ३-० अशी खिशात घातली. भारताने झिम्बाब्वेविरुद्धची शेवटची टी-२० मालिका २०१६ मध्ये खेळली होती, जिथे टीम इंडियाने २-१ ने विजय मिळवला होता.

Zhang Zhijie Death : खेळता-खेळता काळाचा घाला; 17 वर्षीय चीनच्या खेळाडूला बॅडमिंटन कोर्टवरच मृत्यूनं गाठलं, दुःखद घटनेचा Video आला समोर…

भारतीय संघ – शुभमन गिल (कर्णधार), यशस्वी जयस्वाल, ऋतुराज गायकवाड, अभिषेक शर्मा, रिंकू सिंग, संजू सॅमसन (यष्टीरक्षक), ध्रुव जुरेल (यष्टीरक्षक), शिवम दुबे, रायन पराग, वॉशिंग्टन सुंदर, रवी बिश्नोई, आवेश खान, खलील अहमद, मुकेश कुमार, तुषार देशपांडे.

भारत आणि झिम्बाब्वे यांच्यातील पहिला T20 सामना 6 जुलै रोजी होणार आहे. दुसरा T20 सामना 7 जुलै रोजी, तिसरा T20 सामना 10 जुलै रोजी, चौथा T20 सामना 13 जुलै रोजी आणि पाचवा आणि अंतिम T20 सामना 14 जुलै रोजी खेळवला जाईल. टी20 मालिकेतील सर्व सामने हरारे स्पोर्ट्स क्लबमध्ये खेळवले जातील..