![\"\"](\"https://www.dainikprabhat.com/wp-content/uploads/2024/07/Zhang-Zhijie-Death.jpg\")
Zhang Zhijie Death : खेळता-खेळता काळाचा घाला; 17 वर्षीय चीनच्या खेळाडूला बॅडमिंटन कोर्टवरच मृत्यूनं गाठलं, दुःखद घटनेचा Video आला समोर…
Zhang Zhijie Death :- इंडोनेशियात सुरू असलेल्या आशिया ज्युनियर चॅम्पियनशिपमध्ये हृदय पिळवटून टाकणारी घटना घडली. चीन आणि जपान यांच्यात सामना सुरू असताना ही घटना घडली. या सामन्यात बॅडमिंटन कोर्टवर चीनचे प्रतिनिधित्व झांग झिजीने केले तर जपानचे प्रतिनिधित्व काझुमा कावाना यांनी केले. सामन्यादरम्यान चीनचा खेळाडू कोर्टवर कोसळला आणि त्याचा मृत्यू झाला. आता त्याचा व्हिडिओ सोशल मीडियावर व्हायरल होत असून अनेक यूजर्स त्याच्या मृत्यूवर प्रश्नही उपस्थित करत आहेत.
गेल्या वर्षी झांग झिजीचा चीनच्या युवा राष्ट्रीय संघात समावेश केला होता. झांग झिजी रविवारी संध्याकाळी उशिरा जपानच्या काझुमा कावानाविरुद्ध एकेरीच्या सामन्यात खेळत होता. पहिला गेम 11-11 असा सुरू असताना अचानक झांग जमिनीवर कोसळला. त्यानंतर त्याच्यावर मैदानातच(कोर्टवर) उपचार करण्यात आले आणि नंतर ॲम्ब्युलन्सने त्याला हॉस्पिटलमध्ये दाखल करण्यात आले पण त्याला वाचवण्यात यश आले नाही आणि त्याचा मृत्यू झाला.
BREAKING: 17-year-old Chinese badminton player Zhang Zhijie has died of cardiac arrest after collapsing on the court during a tournament in Indonesia. pic.twitter.com/X5fg6GJVGH
— Wide Awake Media (@wideawake_media) July 1, 2024
बॅडमिंटन आशिया आणि बॅडमिंटन असोसिएशन ऑफ इंडोनेशिया (PBSI) यांनी संयुक्त निवेदनात म्हटले आहे की, “चीनचा एकेरी खेळाडू झांग झिजी रविवारी संध्याकाळी एका सामन्यादरम्यान कोर्टवर कोसळला. त्याला रुग्णालयात नेण्यात आले जेथे काल रात्री 11:20 वाजता त्याचा मृत्यू झाला. त्यापूर्वी त्याच्यावर स्पर्धेतील डॉक्टर आणि वैद्यकीय पथकाने त्याच्यावर उपचार केले. त्यानंतर दोन मिनिटांपेक्षा कमी वेळेत त्याला रुग्णवाहिकेतून रुग्णालयात नेण्यात आले होते.”
BREAKING: 17-year-old Chinese badminton player Zhang Zhijie has died of cardiac arrest after collapsing on the court during a tournament in Indonesia. pic.twitter.com/X5fg6GJVGH
— Wide Awake Media (@wideawake_media) July 1, 2024
निवेदनात पुढे म्हटले आहे की, “बॅडमिंटन जगताने एक प्रतिभावान खेळाडू गमावला आहे.” पीबीएसआयचे प्रवक्ते ब्रोटो हॅपी यांनी सांगितले की, वैद्यकीय तपासणीत झांग याला हृदयविकाराचा झटका आल्याचे स्पष्ट आले.”
सोशल मीडियावर यूजर्सच्या संतप्त प्रतिक्रिया आल्या समोर…
या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. झांग पडल्यानंतर सुमारे 40 सेकंदांचा विराम असल्याचे व्हिडिओमध्ये पाहिले जाऊ शकते. त्यानंतर डॉक्टर त्यांच्या मदतीला धावतात. व्हिडिओमध्ये झांग पडल्यानंतर मदत करण्यासाठी एक माणूस धावताना दिसत आहे, परंतु तो थांबतो आणि पुढील सूचनांसाठी कोर्टच्या बाहेर पाहत असल्याचे दिसते.
17-year-old Chinese badminton player Zhang Zhijie has died of cardiac arrest
पीबीएसआयच्या प्रवक्त्याने नंतर पत्रकारांना सांगितले की, वैद्यकीय पथकाला एक नियम पाळावा लागतो ज्यानुसार त्यांना कोर्टात प्रवेश करण्यापूर्वी रेफरीची परवानगी आवश्यक असते.
पण चिनी सोशल मीडिया प्लॅटफॉर्म वीबोवर वापरकर्त्यांमध्ये संतापाचे वादळ उठले असून अनेकांनी या नियमाचा तीव्र निषेध केला आहे. हजारो लोकांनी लाइक केलेल्या एका कमेंटमध्ये म्हटले आहे, “काय अधिक महत्त्वाचे आहे – नियम की कोणाचे जीवन?”
