Mayank Yadav Equals Bhuvaneshwar Kumar Record First Ball Wicket T20I : भारत आणि झिम्बाब्वे यांच्यातील तिसऱ्या टी-२० सामन्यात भारताचा युवा वेगवान गोलंदाज मयंक यादवने (Mayank Yadav) पुन्हा एकदा आपल्या वेगाने आणि स्विंगने धुमाकूळ घातला आहे. झिम्बाब्वेविरुद्ध १९३ धावांच्या लक्ष्याचा बचाव करताना भारताकडून पहिले षटक घेऊन आलेल्या मयंकने डावाच्या पहिल्याच चेंडूवर ब्रायन बेनेटला शून्यावर बाद केले. या ऐतिहासिक कामगिरीसह त्याने भारताचा ‘स्विंग किंग’ भुवनेश्वर कुमारच्या खास विक्रमाची बरोबरी केली आहे.

अवघ्या काही सामन्यांत केली भुवीची बरोबरी –

टी-२० आंतरराष्ट्रीय क्रिकेटमध्ये डावाच्या पहिल्याच चेंडूवर विकेट घेण्याच्या बाबतीत भुवनेश्वर कुमारने आपल्या संपूर्ण कारकिर्दीत तीन वेळा ही कामगिरी केली होती. मयंक यादवने आपल्या आंतरराष्ट्रीय कारकिर्दीच्या सुरुवातीलाच तिसऱ्यांदा पहिल्या चेंडूवर विकेट घेण्याचा पराक्रम करत भुवीच्या विक्रमाशी बरोबरी साधली आहे. विशेष म्हणजे, याच मालिकेत पहिल्या टी-२० सामन्यातही मयंकने पहिल्याच चेंडूवर विकेट घेतली होती.

Same bowler, same batter, same exact first-ball result 🔥

Mayank Yadav dismisses Brian Bennett on the very first ball… AGAIN 😮

Updates ▶️ https://t.co/oApMpI6eRc#TeamIndia | #ZIMvIND pic.twitter.com/SkfYVRzWEh

— BCCI (@BCCI) July 26, 2026

टी-२० आंतरराष्ट्रीय डावाच्या पहिल्याच चेंडूवर विकेट घेणारे भारतीय गोलंदाज:

• भुवनेश्वर कुमार – ३ वेळा
• मयंक यादव – ३ वेळा
• हार्दिक पंड्या – २ वेळा
• अर्शदीप सिंग – २ वेळा
• रविचंद्रन अश्विन – १ वेळा

हेही वाचा – Abhishek Worst Record : अभिषेक शर्मा सलग तीन सामन्यात अपयशी! नावावर केला भारताचा सर्वात वाईट रेकॉर्ड; एकाच गोलंदाजाने उडवली झोप

१४७ किमीचा वेग अन् स्लिपमध्ये वैभवचा भन्नाट कॅच –

MAYANK YADAV KI NAWABI ENTRY 😎

Watch it LIVE on FanCode! 🇮🇳 👇https://t.co/eIbqNipOAB#ZIMvIND #IndiaCricket #RokoNahiThoko pic.twitter.com/oUcKd9a0l4

— FanCode (@FanCode) July 26, 2026

झिम्बाब्वेच्या डावातील पहिल्याच षटकात मयंक यादवने टाकलेला १४७ किमी प्रतितास वेगाचा शॉर्ट-लेंथ चेंडू कमालीचा उसळला आणि स्विंग झाला. ब्रायन बेनेट बचाव करण्याच्या प्रयत्नात असताना चेंडू त्याच्या बॅटची बाहेरील कडा घेऊन पहिल्या स्लिपच्या दिशेने वेगाने गेला. तिथे तैनात असलेल्या १५ वर्षीय वैभव सूर्यवंशीने अत्यंत चपळाईने छातीजवळ आलेला हा कठीण झेल टिपला. पहिल्याच चेंडूवर विकेट मिळताच मयंकने मैदानात एकच जल्लोष केला.