Vaibhav Sooryavanshi Youngest Player Of The Series T20I World Record IND vs ZIM : भारत आणि झिम्बाब्वे यांच्यातील तीन सामन्यांच्या टी-२० मालिकेत भारताचा १५ वर्षीय युवा फलंदाज वैभव सूर्यवंशी (Vaibhav Sooryavanshi) याने आपल्या बॅटच्या जोरावर संपूर्ण जगाचे लक्ष वेधून घेतले आहे. झिम्बाब्वेविरुद्धच्या तिसऱ्या टी-२० सामन्यात ४९ चेंडूंत ८ चौकार व ४ षटकारांच्या मदतीने ८१ धावांची स्फोटक खेळी करणाऱ्या वैभवला ‘प्लेयर ऑफ द मॅच’ आणि ‘प्लेयर ऑफ द सिरीज’ पुरस्काराने सन्मानित करण्यात आले. यासह त्याने जागतिक क्रिकेटमध्ये आणखी एका ऐतिहासिक विक्रमाला गवसणी घातली आहे.

१५ व्या वर्षी ‘प्लेयर ऑफ द सिरीज’ जिंकणारा पहिलाच खेळाडू –

वैभव सूर्यवंशी आंतरराष्ट्रीय क्रिकेटच्या इतिहासात वयाच्या अवघ्या १५ व्या वर्षी ‘प्लेयर ऑफ द सिरीज’ आणि टी-२० मध्ये ‘प्लेयर ऑफ द मॅच’ जिंकणारा जगातील पहिला आणि एकमेव फलंदाज ठरला आहे. या मालिकेत त्याने ३ डावांमध्ये ५०.३३ च्या सरासरीने आणि १९६.१० च्या भन्नाट स्ट्राईक रेटने सर्वाधिक १५१ धावा कुटल्या. या यादीत १४५ धावांसह इशान किशन दुसऱ्या स्थानी राहिला.

The very first of many for the teenage sensation ✨

Vaibhav Sooryavanshi takes home his maiden Player of the Match award in international cricket! 🏆

Scorecard ▶️ https://t.co/oApMpI6eRc#TeamIndia | #ZIMvIND pic.twitter.com/jwYAN5oHa9

— BCCI (@BCCI) July 26, 2026

एकाच मालिकेत ४ जागतिक विक्रम –

1️⃣5️⃣1️⃣ runs at an explosive 1️⃣9️⃣6️⃣ strike rate 💥

15-year-old Vaibhav Sooryavanshi bags the Player of the Series award 👏👏#TeamIndia | #ZIMvIND pic.twitter.com/s2czRP4iei

— BCCI (@BCCI) July 26, 2026

या १५ वर्षीय ‘वंडर बॉय’ने झिम्बाब्वेविरुद्धच्या मालिकेत एकूण ४ जागतिक विक्रम आपल्या नावावर केले:

• आंतरराष्ट्रीय टी-२० मध्ये सर्वात लहान वयात अर्धशतक
• १५ व्या वर्षी सलग दोन आंतरराष्ट्रीय अर्धशतके ठोकणारा पहिला फलंदाज
• टी-२० मध्ये सर्वात कमी वयात ‘प्लेयर ऑफ द मॅच’ जिंकणारा खेळाडू
• आंतरराष्ट्रीय क्रिकेटमध्ये सर्वात तरुण ‘प्लेयर ऑफ द सिरीज’ मानकरी

हेही वाचा – Mirabai Chanu Gold : वेटलिफ्टिर मीराबाई चानूने ग्लास्गोत रचला इतिहास! सलग तिसऱ्यांदा राष्ट्रकुल क्रीडा स्पर्धेत पटकावलं सुवर्णपदक

जुलै महिन्यातच इंग्लंडविरुद्ध आंतरराष्ट्रीय पदार्पण करणाऱ्या वैभव सूर्यवंशीने अवघ्या काही सामन्यांतच आपल्यातील क्लास आणि पॉवरचे दर्शन घडवत भारतीय क्रिकेटचे भवितव्य उज्ज्वल असल्याचे सिद्ध केले आहे. भारतीय संघाच्या कामगिरीबद्दल बोलायचे, तर त्यांनी आयर्लंड आणि इंग्लंडविरुद्धची टी-२० मालिका गमावली होती. त्यानंतर आता भारतीय संघाने यजमान झिम्बाब्वेला सलग तिसऱ्या सामन्यात धूळ चारत क्लीन स्वीप केले