IND vs NZ Test Series 2024 : – या महिन्यात भारताविरुद्ध होणाऱ्या तीन कसोटी सामान्यांच्या मालिकेपूर्वी न्यूझीलंडचा टीम साऊदी कर्णधारपदावरून पायउतार झाला असून त्याच्या ऐवजी आघाडीचा फलंदाज असलेल्या टॉम लॅथमकडे संघाचे कर्णधारपद देण्यात आले आहे. टीम साऊदीच्या नेतृत्वाखाली न्यूझीलंड संघाने १४ कसोटी लढतीमध्ये संमिश्र यश मिळविले होते. या ३५ वर्षांच्या वेगवान गोलंदाजाने आतापर्यंत १०२ कसोटी, १६१ एकदिवसीय व १२६ टी-२० लढतीमध्ये न्यूझीलंड संघाचे प्रतिनिधित्व केले आहे. त्याने कसोटीमध्ये ३८२ गडी बाद केले असून न्यूझीलंडसाठी सर्वाधिक बळी घेणारे रिचर्ड हॅडली (431) यांच्यानंतर साऊदीचा दुसरा नंबर लागतो. कर्णधारपद सोडल्याचं कारण… माझ्या कारकिर्दीत मी संघाला नेहमीच प्राधान्य दिले आहे. येत्या काळात मला माझ्या खेळावर जास्त लक्ष केंद्रित करायचे असून सातत्याने बळी घेऊन न्यूझीलंडच्या विजयात योगदान देवू शकतो, असा विश्वास असल्याचे न्यूझीलंड संघाने जारी केलेल्या निवेदनात साऊदीने म्हटले आहे. IND vs BAN : भारताच्या विजयाने WTC गुणतालिकेत मोठी उलथापालथ..! जाणून घ्या, पॉइंट टेबलची स्थिती… डिसेंबरमध्ये २०२२ मध्ये केन विल्यमसनने कर्णधारपद सोडल्यानंतर टीम साऊदीकडे कर्णधारपद आले होते. साउदीने 14 कसोटी सामन्यांमध्ये न्यूझीलंडचे नेतृत्व केले, ज्यात किवींनी सहा जिंकले, सहा पराभूत झाले आणि दोन सामने अनिर्णित राहिले. नुकत्याच श्रीलंका दौऱ्यात न्यूझीलंड संघाने दोन्ही कसोटी गमावल्या होत्या. आता १६ ऑक्टोबरपासून न्यूझीलंड भारताविरुद्ध तीन कसोटी सामान्यांची मालिका खेळणार असून पहिला सामना बंगळूर येथे होणार आहे.
