IND vs NZ 3rd Test (Day 2) : भारत आणि न्यूझीलंड यांच्यातील कसोटी मालिकेतील तिसरा आणि शेवटचा सामना मुंबईतील वानखेडे स्टेडियमवर खेळवला जात आहे. पहिल्या डावात न्यूझीलंडला 235 धावांत गुंडाळल्यानंतर भारतीय संघाने 263 धावा करत 28 धावांची थोडी आघाडी घेतली.त्यानंतर दुसऱ्या दिवसाचा खेळ संपेपर्यंत न्यूझीलंडने 9 गडी गमावत 171 धावा केल्या होत्या.

दुसऱ्या दिवशी भारताच्या वतीने रविचंद्रन अश्विन आणि रवींद्र जडेजाने शानदार गोलंदाजी करत किवी फलंदाजांना आपल्या फिरकीच्या जाळ्यात अडकवले. रवींद्र जडेजाने 4 बळी घेतले, तर रविचंद्रन अश्विनने तीन खेळाडूंना बाद केले.या तीन विकेट्ससह रविचंद्रन अश्विनने आपल्या खात्यात आणखी एक कामगिरी जमा केली. खरे तर आता त्याने अनिल कुंबळेचा मुंबईच्या वानखेडे स्टेडियमवर सर्वाधिक विकेट घेण्याचा विक्रम मोडला आहे.

या मैदानावर भारतीय संघाकडून खेळताना सर्वाधिक विकेट घेणारा तो गोलंदाज ठरला आहे. तो वानखेडे स्टेडियमवर सहावा कसोटी सामना खेळत असून आतापर्यंत त्याच्या नावावर 41 विकेट्सची नोंद झाली आहे.

वानखेडे स्टेडियमवर सर्वाधिक कसोटी बळी घेणारे गोलंदाज

रविचंद्रन अश्विन – 12 डावात 41 विकेट्स
अनिल कुंबळे – 14 डावात 38 विकेट्स
कपिल देव – 21 डावात 28 विकेट्स
हरभजन सिंग – 10 डावात 24 विकेट्स

IND vs NZ 3rd Test (Day 2) : मुंबई कसोटीवर भारताची पकड मजबूत, अश्विन-जडेजाच्या फिकरीसमोर न्यूझीलंडचा दुसरा डाव गडगडला…

दरम्यान, रविचंद्रन अश्विनने मुंबईतील वानखेडे स्टेडियमवर आंतरराष्ट्रीय क्रिकेटमध्ये एकाच मैदानावर सर्वाधिक विकेट्स घेतल्या आहेत. या मैदानावर त्याने आतापर्यंत एकूण 44 विकेट्स घेतल्या आहेत. यानंतर त्याने चेन्नईच्या एमए चिदंबरम स्टेडियमवर 42 विकेट्स घेतल्या आहेत.