IND vs ENG 3rd Test , Sarfaraz Khan Record | राजकोट येथील तिसऱ्या कसोटी सामन्यात भारताने इंग्लंडचा 434 धावांनी पराभव केला आहे. टीम इंडियाने पहिल्या डावात 445 धावा केल्या होत्या. इंग्लंडचा पहिला डाव 319 धावांवर आटोपला. भारताने दुसऱ्या डावात चार विकेट गमावत 430 धावा केल्या आणि डाव घोषित केला. इंग्लंडला 557 धावांचे लक्ष्य मिळाले होते. प्रत्युत्तरात इंग्लिश डाव 122 धावांवर आटोपला.

दरम्यान, टीम इंडियाचा युवा फलंदाज सरफराज खानने राजकोटमध्ये कसोटी पदार्पण केले. सरफराज खानने पहिल्या डावात 62 धावांची शानदार खेळी केली. यानंतर तो दुसऱ्या डावात 72 चेंडूत 68 धावा करून नाबाद परतला. त्याने आपल्या खेळीत 6 चौकार आणि 3 षटकार मारले. अशा प्रकारे सरफराज खानने शानदार शैलीत पदार्पण केले. तसेच, त्याने भारताचे माजी दिग्गज सुनील गावस्कर यांच्या विशेष यादीत स्थान मिळवले आहे.

वास्तविक, सरफराज खानने कसोटी पदार्पणाच्या दोन्ही डावांत पन्नासहून अधिक धावा केल्या. अशी कामगिरी करणारा तो केवळ चौथा भारतीय फलंदाज ठरला आहे. या यादीत दिलवर हुसेन पहिल्या क्रमांकावर आहे. दिलवर हुसेनने पदार्पणाच्या कसोटीतच ही कामगिरी केली होती.

IND vs ENG : मालिकेत ‘यशस्वी’चा षटकारांचा पाऊस; एकाचवेळी अनेक दिग्गजांचे विक्रम काढले मोडीत….

यानंतर सुनील गावस्करने पदार्पणाच्या कसोटीच्या दोन्ही डावात पन्नासहून अधिक धावा केल्या. त्याच वेळी, श्रेयस अय्यर हा तिसरा भारतीय फलंदाज आहे, ज्याने पदार्पणाच्या कसोटीच्या दोन्ही डावात पन्नास धावांचा आकडा पार केला. आता या यादीत सरफराज खानचा समावेश झाला आहे.