Ladki Bahin Yojana:  मुख्यमंत्री माझी लाडकी बहीण योजने संदर्भात एक अपडेट समोर आली आहे. मे महिन्याच्या हप्त्याच्या प्रतीक्षेत असणाऱ्या पात्र लाडक्या बहिणींच्या खात्यात कधीपर्यंत पैसे जमा होणार याची माहिती भाजप आमदार मोनिका राजळे यांनी दिली आहे.

भाजपच्या शेवगाव पाथर्डी विधानसभा मतदारसंघातील आमदार मोनिका राजळे यांनी लाडक्या बहिणींच्या खात्यात मे महिन्याच्या हप्त्याची रक्कम 12 ते 15 मे दरम्यान जमा केली जाईल असे जाहीर केले आहे. आता राज्य सरकारकडून प्रत्यक्ष लाडकी बहीण योजनेच्या मे महिन्याच्या हप्त्याच्या वितरणाची प्रक्रिया कधी सुरू करण्यात येणार याकडे लाडक्या बहिणींचे लक्ष लागलं आहे.  (Ladki Bahin Yojana)

 

View this post on Instagram

 

A post shared by Monica Rajeev Rajale (@monicarajeevrajale)

मुख्यमंत्री माझी लाडकी बहीण योजनेतील अनुसूचित जाती प्रवर्गातील महिला लाभार्थ्यांना योजनेचा लाभ देण्यासाठी दरमहा सामाजिक न्याय विभागाकडून महिला व बालविकास विभागाला निधी वितरीत केला जातो. 10 जून रोजी सामाजिक न्याय विभागाकडून शासन निर्णय जारी करत मुख्यमंत्री माझी लाडकी बहीण योजनेच्या मे महिन्याच्या हप्त्याच्या वितरणासाठी 344 कोटी रुपये वितरीत करण्यास मंजुरी देण्यात आल्याचं जाहीर केलं आहे. आता निधी मंजूर झाल्याने आणि संभाव्य तारखा समोर आल्याने लाभार्थींना दिलासा मिळण्याची शक्यता आहे.   (Ladki Bahin Yojana)

Ladki Bahin Yojana: लाडकी बहीण योजने संदर्भात महत्त्वाची अपडेट समोर; भाजप आमदाराकडून मे महिन्याच्या हप्त्याची तारीख जाहीर

लाभार्थ्यांची संख्या घटली  (Ladki Bahin Yojana)

मुख्यमंत्री माझी लाडकी बहीण योजना ज्यावेळी सुरू करण्यात आली होती, तेव्हा त्यामध्ये विविध अटी घालण्यात आल्या होत्या. त्यामधील प्रमुख अट कुटुंबाचे वार्षिक उत्पन्न 2 लाख 50 हजार रुपयांपेक्षा कमी असावे ही होती. राज्य सरकारने काही महिन्यांपूर्वी ई-केवायसी प्रक्रिया राबवली होती. त्या नंतर लाडक्या बहिणींच्या संख्येत विविध कारणांमुळे 80 लाखांनी घट झाली होती. यामध्ये ई-केवायसी प्रक्रिया पूर्ण न करणाऱ्यांची संख्या अधिक होती.   (Ladki Bahin Yojana)

हेही वाचा: 

Realme P4R5G: 8000mAh बॅटरीसह Realme P4R 5G लॉन्च; एकदा चार्ज केल्यावर 3 दिवसांची साथ!