Sangli News : मिरज येथील शासकीय वैद्यकीय महाविद्यालय व रुग्णालयाच्या प्रवेशद्वारासाठी उभारण्यात येत असलेली नवीन कमान सोमवारी अचानक कोसळली. त्याखाली काम करणारे सात बांधकाम कामगार अडकले. (Sangli News)

घटनेची माहिती मिळताच पोलीस प्रशासन, अग्निशमन विभाग, सिव्हिल रुग्णालय प्रशासनातील कर्मचारी, स्थानिक नागरिक आणि सामाजिक कार्यकर्त्यांनी घटनास्थळी धाव घेत तातडीने बचावकार्य सुरू केले. (Sangli News)

जेसीबीच्या सहाय्याने अथक प्रयत्न करून सातही कामगारांना बाहेर काढण्यात आले. त्यांना तत्काळ मिरज शासकीय रुग्णालयात उपचारासाठी दाखल करण्यात आले असून सर्वांवर उपचार सुरू आहेत. (Sangli News)

मिरज शासकीय वैद्यकीय महाविद्यालय व रुग्णालयाच्या नवीन प्रवेशद्वाराच्या कमानीचे बांधकाम सुरू होते. सोमवारी आरएमसी मशीनच्या माध्यमातून कमानीवर काँक्रिट ओतण्याचे काम सुरू असताना अचानक कमानीचा वरचा भाग काँक्रिटसह खाली कोसळला. यावेळी कमानीच्या बांधकामासाठी सात कामगार काम करत होते. सातही कामगार काँक्रीटच्या स्लॅबखाली अडकले. (Sangli News)

घटना घडताच परिसरात एकच खळबळ उडाली. उपस्थित नागरिकांनी तातडीने मदतीसाठी धाव घेतली. पोलीस प्रशासन, अग्निशमन विभागाचे कर्मचारी, सिव्हिल प्रशासनातील कर्मचारी, स्थानिक नागरिक आणि सामाजिक कार्यकर्त्यांनी बचावकार्य सुरू केले. (Sangli News)

जेसीबीच्या सहाय्याने कोसळलेला मलबा बाजूला करून सातही कामगारांना सुरक्षितपणे बाहेर काढण्यात आले. त्यानंतर जखमी कामगारांना तातडीने मिरज शासकीय रुग्णालयात उपचारासाठी दाखल करण्यात आले. दरम्यान, घटनेची माहिती मिळताच जिल्हा पोलीस अधीक्षक तुषार दोषी यांनी घटनास्थळी भेट देऊन परिस्थितीची पाहणी केली. (Sangli News)

यावेळी अपर पोलीस अधीक्षक कल्पना बारवकर, उपअधीक्षक अजय कोकाटे, स्थानिक गुन्हे अन्वेषण शाखेचे पोलीस निरीक्षक संजीव झाडे, मिरज शहर पोलीस ठाण्याचे पोलीस निरीक्षक किरण चौगले, मिरज ग्रामीण पोलीस ठाण्याचे पोलीस निरीक्षक अमितकुमार पाटील, सहायक पोलीस निरीक्षक संदीप शिंदे, सहायक पोलीस निरीक्षक रणजित टिपे यांच्यासह विविध पोलीस ठाण्यांतील अधिकारी व कर्मचारी मोठ्या संख्येने उपस्थित होते. (Sangli News)

या दुर्घटनेची पोलीस अधीक्षक तुषार दोषी यांनी गंभीर दखल घेतली आहे. बांधकामाच्या कामात हलगर्जीपणा अथवा निष्काळजीपणा झाला असल्यास संबंधित जबाबदार व्यक्तींवर कारवाई करण्याच्या सूचना त्यांनी दिल्या असून, याप्रकरणी महात्मा गांधी चौक पोलीस ठाण्यात गुन्हा दाखल करण्याचे आदेश देण्यात आले आहेत. (Sangli News)