ICC Test Rankings & Virat Kohli : टीम इंडियाचा स्टार फलंदाज विराट कोहली इंग्लंडविरुद्धच्या पहिल्या दोन कसोटी सामन्यांमध्ये संघाचा भाग बनला नाही. मैदानात न येताही विराट कोहली टीम इंडियाचा नंबर 1 फलंदाज आहे. आयसीसीने बुधवारी जाहीर केलेल्या कसोटी क्रमवारीत विराट कोहली 760 गुणांसह 7व्या क्रमांकावर कायम आहे. मात्र, विराट कोहलीला दोन कसोटीत न खेळण्याचे परिणाम भोगावे लागले असून त्याची एका स्थानावर घसरण झाली आहे. असे असूनही आयसीसी कसोटी क्रमवारीत विराट कोहलीच्या वर एकही भारतीय खेळाडू नाही.

इंग्लंडविरुद्धच्या मालिकेतील पहिल्या दोन सामन्यांसाठी विराट कोहलीची संघात निवड करण्यात आली होती. मात्र मालिका सुरू होण्याच्या एक दिवस आधी विराट कोहलीने वैयक्तिक कारण सांगून संघातून आपले नाव मागे घेतले. याआधी विराट कोहली शेवटच्या तीन कसोटी सामन्यांसाठी संघात परतण्याची शक्यता होती. मात्र विराट कोहली कधी परतणार हे अद्याप स्पष्ट झालेले नाही. मात्र, विराट कोहलीमुळे शेवटच्या तीन कसोटी सामन्यांसाठी टीम इंडियाची घोषणा होण्यास विलंब होत आहे. 8 फेब्रुवारीपर्यंत विराट कोहलीच्या या मालिकेत खेळण्याबाबतचे चित्र स्पष्ट होऊ शकते.

ICC Test Rankings : युवा फलंदाज ‘यशस्वी जैस्वाल’ने क्रमवारीत घेतली मोठी झेप….

बाकीचे फलंदाज आहेत खूप मागे…

कसोटी क्रमवारीत विराट कोहलीनंतर भारतीय खेळाडूंमध्ये ऋषभ पंतचे दुसरे नाव आहे. ऋषभ पंतही वर्षभरापासून मैदानापासून दूर आहे, पण फलंदाजांच्या क्रमवारीत तो अजूनही 12व्या स्थानावर आहे. सततच्या खराब कामगिरीचा फटका रोहित शर्माला सहन करावा लागत आहे. रोहित शर्मा एका स्थानाने घसरून 13व्या स्थानावर आला आहे. या तिघांच्या नंतर यशस्वी जैस्वाल येतो. जैस्वालला इंग्लंडविरुद्ध द्विशतक झळकावण्याचा पुरस्कार मिळाला आहे. यशस्वी जैस्वालने आता कसोटी क्रमवारीत 37 स्थानांची झेप घेत 29व्या स्थान पटकावले आहे.

ICC Test Rankings : बुमराहचा आणखी एक मोठा पराक्रम, अशी कामगिरी करणारा ठरला पहिलाच गोलंदाज…

 केन विल्यमसन अव्वल स्थानावर…

कसोटी फलंदाजांमध्ये न्यूझीलंडचा कर्णधार केन विल्यमसन (864 गुण) अव्वल स्थानावर आहे. दक्षिण आफ्रिकेविरुद्ध सुरू असलेल्या कसोटी मालिकेत त्याने चमकदार कामगिरी केली असून पहिल्या कसोटीच्या दोन डावांत त्याने दोन शतके झळकावली आहेत. त्याचवेळी ऑस्ट्रेलियाचा स्टीव्ह स्मिथ (818) एका स्थानाची झेप घेऊन दुसऱ्या स्थानावर पोहोचला आहे. इंग्लंडच्या जो रूटला (797 गुण) भारताविरुद्धच्या दोन्ही कसोटीत खराब कामगिरीचा फटका बसला असून तो तिसऱ्या स्थानावर घसरला आहे. किवी फलंदाज डॅरिल मिशेल (786) चौथ्या आणि पाकिस्तानचा बाबर आझम (768) पाचव्या स्थानावर कायम आहे.