Keshav Maharaj : ‘मी प्रभू राम आणि हनुमानाचा भक्त’, जाणून घ्या…द. आफ्रिकेचा फिरकीपटू असे का म्हणाला?
Keshav Maharaj On Ram Siya Ram: दक्षिण आफ्रिकेचा फिरकी गोलंदाज केशव महाराजने एका संवादा दरम्यान ‘राम सिया राम’ या गाण्याशी आपला संबंध उघड केला आहे.
दक्षिण आफ्रिकेचा फिरकी गोलंदाज केशव महाराज जेव्हा जेव्हा घरच्या मैदानावर फलंदाजीला येतो किंवा गोलंदाजी करताना विकेट घेतो तेव्हा स्टेडियममध्ये ‘राम सिया राम’ हे गाणे सुरू होते. भारताच्या दक्षिण आफ्रिका दौऱ्यात हे अनेक प्रसंगी पाहायला मिळाले.
एकदिवसीय मालिकेदरम्यान, एकदा केएल राहुलने केशव महाराजांना याबाबत प्रश्न विचारला होता. केएलने विचारले होते की, केशव भाई, तू जेव्हाही येतो तेव्हा ‘राम सिया राम’ हेच गाणं स्टेडियमवर वाजवलं जात क,. यावर अनुभवी फिरकीपटूने ‘हो’ असे उत्तर दिले होते.
कसोटी मालिकेदरम्यान एक रंजक घटनाही समोर आली होती. केपटाऊन कसोटीत जेव्हा केशव महाराज फलंदाजीला आला आणि हे गाणे स्टेडियममध्ये गुंजू लागले तेव्हा विराट कोहलीने केशव महाराजांकडे पाहून हात जोडले आणि नंतर धनुष्यातून बाण सोडण्याचा अभिनय केला. विराटचा हा व्हिडिओही सोशल मीडियावर व्हायरल झाला आहे.
आता जेव्हा केशव महाराज याला या किस्स्याबद्दल आणि राम सिया राम या गाण्याशी त्यांचा संबंध विचारण्यात आला तेव्हा त्यांनी अतिशय तुटपुंजे उत्तर देऊन हे प्रकरण मिटवले. तो म्हणाला, ‘हे माझे प्रवेशगीत(Entry Song) आहे. मी प्रभू राम आणि हनुमानाचा भक्त आहे म्हणून मला वाटते की हे माझ्यासाठी अगदी योग्य गाणं आहे.
EXCLUSIVE | VIDEO: “Obviously, something that I put forward to the media lady and requested that song to be played. For me, God has been my greatest blessing, giving me guidance and opportunity. So, it’s the least that I can do and it also just gets you in your zone. It’s a nice… pic.twitter.com/TtDYg28oRN
— Press Trust of India (@PTI_News) January 9, 2024
केशव पुढे म्हणाला, ‘अनेकदा मी समोर उभा राहून हे गाणं वाजवायला सांगतो. माझ्यासाठी माझा देव हा सर्वात मोठा आशीर्वाद आहे. तो मला मार्ग दाखवतो आणि संधी देतो. तर त्याकरिता मी कमीत-कमी एवढ तर करू शकतोच. धर्म आणि संस्कृतीचा आदर करणे महत्त्वाचे आहे आणि मला बॅकग्राउंडमध्ये ‘राम सिया राम’ हे गाणं वाजलेलं आवडते.
