ADR Report : लोकसभा २०२४ च्या निवडणुकीत कोणत्या पक्षाने निवडणुकीसाठी किती खर्च केला. याची आकडेवारी आता एका अहवालातून समोर आली आहे. एडीआरचा अहवाल नुकताच जाहीर करण्यात आला असून या अहवालात राष्ट्रीय पक्षांसह प्रादेशिक पक्षांनी लोकसभा निवडणुकीच्या काळात निवडणुकीवर किती खर्च केला. याचे आकडेवारीह विश्लेषण करण्यात आले आहे. शुक्रवारी २० जून २०२५ रोजी निवडणूक सुधारणांसाठी काम करणाऱ्या असोसिएशन फॅार डेमोक्रेटिक रिफॉर्म्सने हा अहवाल प्रसिद्ध केला आहे. या अहवालात एडीआरने देशातील ३२ राष्ट्रीय आणि प्रादेशिक पक्षांच्या खर्चाचे विश्लेषण केले आहे. भारतीय जनता पार्टीने २०२४ च्या लोकसभा निवडणुकीत १ हजार ४९४ कोटी रुपयांचा खर्च केला, जो एकूण खर्चाच्या ४४.५६ टक्के आहे. एडीआरच्या रिपोर्टनुसार, भाजपच्यानंतर खर्च करण्याच्या बाबतील काँग्रेस दुसऱ्या स्थानवर आहे. ६२० कोटींचा खर्च पक्षाने २०२४ च्या निवडणुकीच्या काळात केला होता. जो पक्षाच्या एकूण खर्चाच्या १८.५ टक्के इतका आहे. या पक्षांनी लोकसभा आणि आंध्र प्रदेश, अरुणाचल प्रदेश, ओडिशा आणि सिक्कीम या राज्यातील विधानसभा निवडणुकीत एकूण मिळून तब्बल ३३५२.८१ कोटी रुपये खर्च केले आहेत. इतका खर्च डिजीटल माध्यमाद्वारे करण्यात आला. या अहवालात पक्षांनी डिजीटल माध्यमाद्वारे किती खर्च केला. याबाबतची आकडेवारी देखील देण्यात आली आहे. एडीआरच्या रिपोर्टनुसार राजकीय पक्षांनी डिजीटल माध्यमाद्वारे १३२ कोटी रुपये खर्च केला होता. उमेदवारांच्या गुन्ह्यांच्या माहिती प्रकाशित करण्यासाठी २८ कोटी, तर प्रवास खर्चासाठी ७९५ कोटी रुपये खर्च झाले आहेत. या पक्षांचा निवडणूक खर्चाची आकडेवारी नाही सगळ्यात महत्वाची बाब म्हणजे निवडणुकीच्या काळात पक्षांनी उमेदवारांच्या प्रचारार्थ स्टार प्रचारक उतरले होते. या स्टार प्रचारकांच्या प्रवास खर्चामधील ७९५ कोटी रुपये रुपयांच्या खर्चापैकी ७६५ कोटी रुपये राजकीय पक्षांच्या हाय प्रोफाइल नेत्यांचा प्रवास खर्चावर खर्च करण्यात आले. तर इतर नेत्यांच्या प्रवास खर्चासाठी ३० कोटी खर्च झाले आहेत. या अहवालात राष्ट्रवादी काँग्रेस पक्ष, शिवसेना उद्धव बाळसाहेब ठाकरे, भाकप यांसह २१ राजकीय पक्षांचे खर्चाचे आकडे उपलब्ध नव्हते. तर पीपुल्स डेमोक्रेटिक पार्टी (पीडीपी) आणि केरळ कांग्रेस (एम) ने निवडणूक लढून देखील शून्य खर्च दाखवला असल्याचे अहवाल सांगत आहे. हेही वाचा: Pune : वाहतूक शाखेचे नियोजन कोलमडले; पालखी सोहळ्यासाठी जागोजागी रस्ते बंद
