पुणे – क्रीडा प्रबोधिनी अ आणि जीएसटी कस्टम्स, पुणे संघांनी सातत्य राखताना हॉकी पुणे लीगमध्ये विजय नोंदवले. दुसरीकडे, हॉकी लव्हर्स अकॅडमीने वरिष्ठ विभागीय सामन्यात किड्स हॉकी अकॅडमीवर 18-2 असा मोठ्या फरकाने मात केली.

हॉकी महाराष्ट्रच्या मान्यतेने मेजर ध्यानचंद स्टेडियम, नेहरूनगर-पिंपरी येथे सुरू असलेल्या हॉकी पुणे लीगमध्ये शनिवारी वरिष्ठ विभागात क्रीडा प्रबोधिनी ‘अ’ संघाने फूड कॉर्पोरेशन ऑफ इंडिया (एफसीआय), पुणे यांच्यावर 2-1 असा चुरशीचा विजय मिळवला. त्यांचा हा सलग दुसरा विजय आहे. रोहन पाटीलने (23वे आणि 42वे) पेनल्टी कॉर्नरवर केलेले दोन गोल क्रीडा प्रबोधिनीला दुसर्‍यांदा पूर्ण गुण मिळवून देण्यास पुरेसे ठरले. एफसीआयकडून एकमेव गोल श्री किशनने (37व्या) पेनल्टी स्ट्रोकवर गोल केला.

IND vs ZIM 2nd T20 : टीम इंडियाचे जोरदार पुनरागमन..! दुसऱ्या सामन्यात झिम्बाब्वेचा 100 धावांनी केला पराभव…

तत्पूर्वी, शुक्रवारी झालेल्या सामन्यांत जीएसटी अँड कस्टम्स, पुणे संघाने फूड कॉर्पोरेशन ऑफ इंडिया (एफसीआय), पुणे संघाचा 7-4 असा पराभव केला. त्यांच्या विजयात मोझेस अलेक्झांडरचे दोन (11वा, 51वा), तालेब शाह (19वा, 21वा, 26वा-पीसी, 33वा-पीसी) हॅटट्रिक आणि फेलिक्स बा याचा (58वा) एक गोल महत्त्वपूर्ण ठरला. फूड कॉर्पोरेशन ऑफ इंडिया, पुणेसाठी (एफसीआय) मनप्रीत सिंग (7वे, 20वे-पीसी), राज पाटील (50वे-पीसी) आणि श्री किशनने (60वे-पीसी) गोल केले.