Bharat Gogawale| महाराष्ट्र नवनिर्माण सेनेचे अध्यक्ष राज ठाकरे शेकापच्या वर्धापन दिनाच्या कार्यक्रमाला उपस्थित होते. त्यावेळी त्यांनी छत्रपती शिवाजी महाराजांची राजधानी असलेल्या रायगड जिल्ह्यात अनधिकृत डान्सबारच्या वाढत्या संख्येवरून चिंता व्यक्त केली. त्यानंतर काही वेळातच मनसैनिकांनी आक्रमक पवित्रा घेत नाईट रायडर्स डान्स बारची तोडफोड केली होती. या प्रकरणात मनसेच्या कार्यकर्त्यांवर गुन्हा दाखल करण्यात आला आणि त्यांना जामीन देखील मंजुर करण्यात आला आहे. यासर्व या प्रकरणावर मंत्री भरत गोगावले यांनी प्रतिक्रिया दिली आहे. Bharat Gogawale| ‘सगळीकडेच हिडिसफिडिस चालत नाहीत’ मनसेच्या आंदोलनावर राज्याचे रोजगार हमी व फलोत्पादन मंत्री तथा रायगडमधील महाडचे आमदार भरत गोगावले म्हणाले, “बार तर अख्ख्या महाराष्ट्रात आहेत, परंतु, सगळीकडेच हिडिसफिडिस काही दाखवलं जात नाही. ज्या बारमध्ये गैरवर्तन होत असेल, चुकीच्या गोष्टी होत असतील, तो भाग वेगळा आहे.” Bharat Gogawale| “खाण्या-पिण्यासाठीचे बारही असतात. सगळ्याच बारमध्ये नाचगाणी चालतात अशातला काही भाग नाही. अनेक बारमध्ये ऑर्केस्ट्रा चालतात. परंतु, तिथे काही चुकीचं घडत असेल तर सरकार त्या बारवर कारवाई करून बंदी आणेल. करमणुकीच्या काही गोष्टींना परवानगी आहे,” असेही गोगावले म्हणाले. राज ठाकरे काय म्हणाले? “आज सर्वाधिक डान्सबार रायगड जिल्ह्यात कसे?, रायगड जिल्हा ही शिवछत्रपतींची राजधानी आहे. महाराजांचा राज्यकारभार ज्या किल्ल्यांवरून चालला त्या किल्ल्यावरून या जिल्ह्याला नाव पडले. असे असताना रायगडची ओळख आता डान्सबारचा जिल्हा अशी होऊ लागली आहे. छत्रपती शिवाजी महाराजांच्या राजधानीत, जिथे बार बंद असावेत अशी अपेक्षा, तिथे अनधिकृत डान्सबार कसे सुरू राहतात, असा थेट सवाल राज ठाकरे यांनी मांडला होता. Bharat Gogawale| राज ठाकरे यांच्या भाषणानंतर शनिवारी मध्यरात्री १२ वाजता मनसे कार्यकर्त्यांनी पनवेलमधील कोन गावातील नाईट रायडर हा लेडीज सर्व्हीस बार फोडला होता. Bharat Gogawale| हेही वाचा : Crime News : अघोरी कृत्याने खळबळ…! राजगड तालुक्यातील धक्कादायक प्रकार; आठवड्याभरात दुसऱ्यांदा करणीचे प्रकार समोर
