Health Schemes – वाई, खंडाळा आणि महाबळेश्वर तालुक्यातील गंभीर आजाराने त्रस्त असलेल्या गरजू रुग्णांना आणि त्यांच्या नातेवाईकांना मुख्यमंत्री सहाय्यता निधीचा लाभ मिळवून देण्यासाठी आता अधिक गती मिळणार आहे. आमदार मकरंद पाटील यांच्या सूचनेनुसार, या निधीसाठी पाठवलेल्या प्रस्तावांचा योग्य पाठपुरावा व्हावा आणि रुग्णांची होणारी धावपळ थांबावी, यासाठी मंत्रालय व जिल्हा स्तरावर संपर्क व्यक्तींची नियुक्ती करण्यात आली आहे. अनेकदा मुख्यमंत्री सहाय्यता निधीसाठी प्रस्ताव पाठवूनही त्याचा पाठपुरावा कसा करावा, याबाबत नागरिकांमध्ये संभ्रम असतो. ही अडचण ओळखून आता थेट मंत्रालय स्तरावर आणि जिल्हा स्तरावर विशेष समन्वयकांचे क्रमांक जाहीर करण्यात आले आहेत. मंत्रालय स्तर (मुंबई): मुख्यमंत्री सहाय्यता निधीच्या प्रस्तावावर मंत्रालय स्तरावर मदत व पुनर्वसन मंत्री कार्यालयामार्फत पाठपुरावा करण्यासाठी राहुल शिंदे (कक्ष अधिकारी) यांच्या ९४२२६०३९९९ या क्रमांकावर संपर्क साधता येईल. जिल्हा स्तर (सातारा) : सातारा जिल्हा स्तरावरील समन्वयासाठी आणि पाठपुराव्यासाठी दादासाहेब जाधव यांच्या ९९२२७९९८२४ या क्रमांकावर संपर्क करण्याचे आवाहन करण्यात आले आहे. बहुतांश प्रक्रिया ऑनलाईन झाल्यामुळे तुम्ही घरबसल्या तुमच्या अर्जाची स्थिती तपासू शकता. त्यासाठी अधिकृत वेबसाईट: cmrf.maharashtra.gov.in या संकेतस्थळाला भेट द्या. Check Status: वेबसाईटवर ‘Application Status’ किंवा ‘अर्जाची स्थिती’ असा पर्याय असतो. आमदार मकरंद पाटील तिथे तुमचा अर्ज क्रमांक (Application No.) किंवा नोंदणीकृत मोबाईल नंबर टाकून तुम्ही अपडेट मिळवू शकता. मदत व पुनर्वसन मंत्री कार्यालयातील नियुक्त कक्ष अधिकारी यांच्याशी संपर्क साधून तुमच्या अर्जाचा ‘इनवर्ड नंबर’ देऊन सद्यस्थिती विचारू शकता. वाई-खंडाळा-महाबळेश्वरमधील रुग्णांना दिलासा गंभीर शस्त्रक्रिया किंवा महागड्या उपचारांसाठी मुख्यमंत्री सहाय्यता निधी हा सामान्य माणसासाठी मोठा आधार असतो. मात्र, तांत्रिक बाबी आणि पाठपुराव्याअभावी निधी मिळण्यास विलंब होतो. ना. मकरंद पाटील यांच्या पुढाकारामुळे आता वाई-खंडाळा-महाबळेश्वर मतदारसंघातील रुग्णांना थेट मंत्रालयापर्यंत कैफियत मांडणे शक्य होणार आहे. मदत व पुनर्वसन मंत्री कार्यालयाकडून यासाठी पूर्ण सहकार्य मिळणार असून, नागरिकांनी वरील क्रमांकावर संपर्क साधावा. आवश्यक कागदपत्रांची पडताळणी अनेकदा पाठपुरावा करताना कळते की काही कागदपत्रे अपूर्ण असल्यामुळे अर्ज थांबला आहे. खालील गोष्टींची खात्री करून घ्यावी : रुग्णालयाचे कोटेशन : (मूळ प्रत). उत्पन्नाचा दाखला: (तहसीलदारांचा, १ लाखाच्या आतील). आधार कार्ड आणि रेशन कार्ड : (साक्षांकित प्रत). आजारपणाचे प्रमाणपत्र : (सिव्हिल सर्जन किंवा अधिकृत डॉक्टरांचे).