Harry Kane Ghana Sorcerer Curse Lifted England vs Congo : फिफा फुटबॉल विश्वचषक २०२६ स्पर्धेत ‘राउंड ऑफ ३२’ च्या नॉकआऊट सामन्यात इंग्लंडने काँगोचा पराभव करत ‘राउंड ऑफ १६’ मध्ये प्रवेश केला आहे. या ऐतिहासिक विजयाची चर्चा खेळापेक्षा मैदानाबाहेरील अंधविश्वास आणि सोशल मीडियावरील दाव्यांमुळे जास्त होत आहे. घानाच्या एका प्रसिद्ध तांत्रिकाने इंग्लंडचा कर्णधार हॅरी केन याला ‘शापमुक्त’ केल्याच्या दाव्यानंतर, केनने मैदानात उतरून दोन गोल डागत इंग्लंडला एक संस्मरणीय विजय मिळवून दिला. या विजयासह इंग्लंडने फुटबॉल विश्वचषकाच्या इतिहासात तब्बल ६० वर्षांनंतर एका मोठ्या विक्रमाची पुनरावृत्ती केली आहे.

घानाच्या तांत्रिकाचा ‘तो’ धक्कादायक दावा काय होता?  (Harry Kane Sorcerer)

ग्रुप स्टेजमध्ये २३ जून रोजी इंग्लंड आणि घाना यांच्यातील सामना ०-० असा बरोबरीत सुटला होता. त्या सामन्यापूर्वी घानाचा प्रसिद्ध तांत्रिक नाना क्वाकू बोंसम (Nana Kwaku Bonsam) याने दावा केला होता कि, त्याने हॅरी केनवर जादुटोणा केला असून तो घानाविरुद्ध गोल करू शकणार नाही. आश्चर्य म्हणजे त्या सामन्यात केन पूर्णपणे फ्लॉप ठरला.

Ghanaian Witch Doctor who cursed Harry Kane talks about how he was threatened , his kid he named after Harry Kane and how he stopped Harry kane on scoring against Ghana

No way this is real in the World Cup😹😹 pic.twitter.com/52AZW9D3g8

— utdzaire🇨🇩 (@utdZaiire) June 26, 2026

मात्र, नॉकआऊट सामन्याच्या एक आठवड्यापूर्वी याच तांत्रिकाने इंटरनेटवर खळबळ उडवून दिली. त्याने दावा केला की, त्याने हॅरी केनवरील जादुटोणा मागे घेतला असून आता तो मैदानात धुमाकूळ घालेल. तांत्रिकाचा हा दावा काँगोविरुद्धच्या सामन्यात खरा ठरताना दिसला.  (Harry Kane Sorcerer)

Ghanian Voodoo priest confirmed he lifted the curse on Harry Kane before the DR Congo game.
Why did he lift the curse ?
Ghanaians are not their brothers keeper 🤷‍♂️ pic.twitter.com/tdWG6lCuAH

— Brizzy (@Utdbrizzy) July 1, 2026

हॅरी केनने मोडला ६० वर्षांचा दुष्काळ –   (Harry Kane Sorcerer)

अटलांटा स्टेडियमवर खेळल्या गेलेल्या या सामन्यात काँगोने सातव्याच मिनिटाला गोल करून इंग्लंडला बॅकफूटवर ढकलले होते. इंग्लंडवर स्पर्धेतून बाहेर पडण्याचे संकट घोंगावत होते. मात्र, दुसऱ्या हाफमध्ये कर्णधार हॅरी केनने संपूर्ण सामन्याचे चित्र पालटले आणि लागोपाठ दोन गोल करत इंग्लंडला २-१ असा विजय मिळवून दिला.

हेही वाचा – Ravi Shastri Statement : ‘…तर त्याने पॅन्ट काढून हातात दिली असती’, वैभव सूर्यवंशीबाबत रवी शास्त्रींच थेट लाईव्ह शोमध्ये खळबळजनक वक्तव्य

या विजयासह इंग्लंडने तब्बल ६० वर्षांनंतर विश्वचषकाच्या बाद फेरीत पहिला गोल खाल्ल्यानंतर पुनरागमन करत सामना जिंकण्याचा पराक्रम केला. यापूर्वी १९६६ च्या विश्वचषकात जर्मनीविरुद्ध इंग्लंडने अशी कामगिरी केली होती.   (Harry Kane Sorcerer)