Hardik Pandya Ruled Out IND vs AFG ODI Series Injury : अफगाणिस्तानविरुद्धच्या १३ जूनपासून सुरू होणाऱ्या तीन सामन्यांच्या वनडे मालिकेपूर्वी भारतीय क्रिकेट संघाला आणखी एक मोठा आणि तितकाच धक्कादायक झटका बसला आहे. भारताचा स्टार ऑलराउंडर हार्दिक पंड्या या मालिकेतून पूर्णपणे बाहेर झाला आहे. अत्यंत धक्कादायक बाब म्हणजे, राष्ट्रीय क्रिकेट अकादमीत (NCA) फिटनेस टेस्ट पास झाल्याची बातमी आल्यानंतर अवघ्या २४ तासांच्या आत हार्दिकच्या दुखापतीचे वृत्त समोर आले आहे.

हार्दिकला बंगळुरुच्या बीसीसीआय सेंटरमध्येच राहावे लागणार!  (Hardik Pandya Injury )

‘टाइम्स ऑफ इंडिया’च्या वृत्तानुसार, सरावादरम्यान हार्दिकचा पाय मुरगळला आहे, ज्यामुळे त्याला या मालिकेला मुकावे लागले आहे. बीसीसीआयच्या एका वरिष्ठ अधिकाऱ्याने दिलेल्या माहितीनुसार, हार्दिकची दुखापत फारशी गंभीर नसली तरी वैद्यकीय पथकाने कोणताही धोका न पत्करण्याचा सल्ला दिला आहे. दुखापत अधिक वाढू नये म्हणून हार्दिकला पुढील दोन आठवडे बंगळुरु येथील बीसीसीआयच्या ‘सेंटर ऑफ एक्सेलेन्स’मध्येच राहून उपचार घ्यावे लागणार आहेत.  (Hardik Pandya Injury)

Hardik Pandya visited a hospital in Bangalore last night for a check-up, where an injury was detected in his leg. He was subsequently declared unfit and ruled out of the ODI series. pic.twitter.com/CRo9OG8jEb

— 𝐑𝐮𝐬𝐡𝐢𝐢𝐢⁴⁵ (@rushiii_12) June 10, 2026

पहिला वनडे सामना १३ जून रोजी धरमशाला येथे खेळवला जाणार असून हार्दिक ११ जूनला संघात सामील होणार होता. मात्र, या दुखापतीमुळे त्याचा टीम इंडियातील प्रवेश लांबणीवर पडला आहे. विराट कोहलीनंतर आता हार्दिकही बाहेर झाल्याने मुख्य निवडकर्ते अजित आगरकर त्याच्या जागी कोणाला संधी देतात, याकडे सर्वांचे लक्ष लागले आहे.

हेही वाचा – Sudeshna Shiwankar : सातारच्या सुदेष्णाची सुवर्णझेप! सातासमुद्रापार फडकावला भारताचा झेंडा

१४ महिन्यांची प्रदीर्घ प्रतीक्षा आणखी वाढली –  (Hardik Pandya Injury )

Hardik Pandya saying to the crowd ” Go from here ” inside the hospital! 😂 pic.twitter.com/qPbyyjyc4U

— Rohit Sharma Fan (@hitmanfanfollow) June 10, 2026

हार्दिक पंड्या या मालिकेच्या माध्यमातून तब्बल १४ महिन्यांनंतर एकदिवसीय क्रिकेटमध्ये पुनरागमन करणार होता. मात्र, नियतीच्या मनात काही वेगळेच होते आणि त्याची ही प्रतीक्षा आता आणखी वाढली आहे. भारत आणि अफगाणिस्तान यांच्यातील या मालिकेचा पहिला सामना १३ जूनला धरमशाला येथे, दुसरा सामना १७ जूनला लखनौमध्ये आणि तिसरा तसेच अंतिम सामना २० जूनला चेन्नईत खेळवला जाणार आहे.  (Hardik Pandya Injury)