India Becomes 1st Team to Win 200 T20Is After Historic Christchurch Chase vs New Zealand : भारतीय क्रिकेट संघाने आंतरराष्ट्रीय टी-२० क्रिकेटमध्ये सुवर्ण इतिहास रचला आहे. क्राइस्टचर्च येथे खेळल्या गेलेल्या दुसऱ्या टी-२० सामन्यात न्यूझीलंडचा पराभव करत भारताने आंतरराष्ट्रीय टी-२० मध्ये २०० वा विजय नोंदवला. हा ऐतिहासिक टप्पा गाठणारा भारत हा जगातील पहिलाच संघ ठरला आहे. विशेष म्हणजे भारताने आपल्या ३०० व्या आंतरराष्ट्रीय टी-२० सामन्यात हा महापराक्रम साकारला. एका क्षणी अवघ्या ७० धावांवर ५ आघाडीचे फलंदाज तंबूत परतल्यानंतरही भारताने राखलेला संयम आणि दाखवलेली आक्रमकता जागतिक क्रिकेटसाठी कौतुकाचा विषय ठरली आहे.

तिलक-नितीशची ६९ धावांची अभेद्य भागीदारी; मोडले अनेक विक्रम

सामना पूर्णपणे निसटलेला वाटत असताना उपकर्णधार तिलक वर्मा आणि अष्टपैलू नितीश कुमार रेड्डी यांनी सातव्या विकेटसाठी नाबाद ६९ धावांची मॅचविनिंग भागीदारी केली. आंतरराष्ट्रीय टी-२० मध्ये यशस्वी पाठलाग करताना पूर्ण सदस्य (Full Member) देशांमध्ये सातव्या किंवा त्याखालील विकेटसाठी ही संयुक्तपणे तिसरी सर्वात मोठी भागीदारी ठरली. या यादीत २०१९ मध्ये बांगलादेशच्या अफीफ हुसेन आणि मोसाद्देक हुसेन जोडीने झिम्बाब्वेविरुद्ध केलेली ८२ धावांची भागीदारी अव्वल स्थानी आहे, तर २०२२ मध्ये श्रीलंकेच्या चमिका करुणारत्ने आणि दासुन शनाका यांनी ऑस्ट्रेलियाविरुद्ध केलेल्या नाबाद ६९ धावांच्या विक्रमाची भारतीय जोडीने बरोबरी केली.

७० धावांत ५ बाद तरीही १८१ धावांचा ऐतिहासिक पाठलाग –

India’s record in T20Is after completing 300 matches 🔥

The most successful team ever, with 3 T20 World Cup titles! 🏆🇮🇳

#Cricket #India #T20I https://t.co/U8ph2Jobe8

— Sportskeeda (@Sportskeeda) October 24, 2026

७० किंवा त्यापेक्षा कमी धावांत निम्मा संघ गारद झाल्यानंतरही १८१ धावांचे खडतर आव्हान यशस्वीरीत्या पार करणारा भारत हा जगातील दुसरा संघ ठरला आहे. या यादीत पापुआ न्यू गिनीचा संघ अव्वल स्थानी आहे, ज्यांनी २०२२ मध्ये सिंगापूरविरुद्ध अवघ्या ५३ धावांवर ५ गडी गमावल्यानंतर २०४ धावांचा अशक्य पाठलाग केला होता. मात्र आयसीसीच्या पूर्ण सदस्य देशांमध्ये इतक्या पडझडीनंतर एवढा मोठा पाठलाग करणारा भारत हा पहिलाच प्रमुख संघ बनला आहे.

हेही वाचा – Abhishek Sharma Record : अभिषेक शर्माचा वर्ल्ड रेकॉर्ड! आतरराष्ट्रीय टी-२० क्रिकेटच्या पॉवरप्लेमध्ये ‘हा’ खास पराक्रम करणारा जगातील पहिला फलंदाज

श्रीलंकेचा ९ वर्षे जुना विक्रम मोडीत; पूर्ण सदस्य देशांमध्ये अव्वल –

Record Alert 🚨

Team India Mens playing Their 3️⃣0️⃣0️⃣* T20I Match
Most T20I Wickets for India in a Calendar Year by Arshdeep Singh 3️⃣8️⃣*
1️⃣0️⃣0️⃣0️⃣* T20I Runs in This year by Abhishek Sharma
.
#NZvIND #indvsnz https://t.co/XJ4I6w12rI

— Durlabh (@DurlabhDJ) October 24, 2026

या थरारक विजयासह भारताने श्रीलंकेचा २०१७ मधील ऐतिहासिक विक्रम मागे टाकला. श्रीलंकेने ऑस्ट्रेलियाविरुद्ध ४० धावांत ५ गडी गमावल्यानंतर १७४ धावांचा पाठलाग केला होता. याशिवाय २०१५ मध्ये पाकिस्तानने श्रीलंकेविरुद्ध ४० वर ५ बाद असताना १७३ धावा आणि रोमानियाने २०२५ मध्ये ऑस्ट्रियाविरुद्ध ६५ वर ५ बाद असताना १७२ धावा चेस केल्या होत्या. या सर्वांना मागे टाकत भारताने १८१ धावांचा पाठलाग पूर्ण केला आणि ३०० व्या टी-२० सामन्यात २०० वा विजय साजरा करत मालिकेत २-० अशी भक्कम आघाडी घेतली.