Abhishek Sharma Creates World Record for 100 Powerplay Sixes in T20Is : भारताचा युवा सलामीवीर अभिषेक शर्मा आंतरराष्ट्रीय टी-२० क्रिकेटमध्ये सातत्याने वादळी कामगिरी करत नवनवीन ऐतिहासिक विक्रमांना गवसणी घालत आहे. न्यूझीलंडविरुद्धच्या दुसऱ्या टी-२० सामन्यात अभिषेक २७ धावांची आक्रमक खेळी करून बाद झाला; मात्र या छोट्या खेळीतही त्याने जागतिक क्रिकेटमध्ये एक मोठा इतिहास रचला. आंतरराष्ट्रीय टी-२० च्या पहिल्या ६ षटकांत म्हणजेच पॉवरप्लेमध्ये षटकारांचे शतक झळकावणारा तो जगातील पहिला फलंदाज ठरला आहे. या विक्रमासह त्याने क्रिकेट जगतात स्वतःचा दबदबा पुन्हा एकदा सिद्ध केला आहे.

पॉवरप्लेमध्ये षटकारांचे शतक; रोहित शर्माला टाकले मागे –

मालिकेतील पहिल्या सामन्यात रोहित शर्माचा ९८ षटकारांचा जागतिक विक्रम मोडीत काढणाऱ्या अभिषेकने दुसऱ्या सामन्यात एक उत्तुंग षटकार मारून पॉवरप्लेमधील आपल्या १०० षटकारांचा टप्पा पूर्ण केला. आंतरराष्ट्रीय टी-२० मध्ये अशी ऐतिहासिक कामगिरी करणारा तो जगातील एकमेव खेळाडू ठरला आहे. अभिषेकने आतापर्यंत खेळलेल्या ६९ टी-२० सामन्यांत तब्बल १४७ षटकार खेचले असून, त्यापैकी १०० षटकार त्याने डावाच्या पहिल्या ६ षटकांतच ठोकले आहेत.

आतंरराष्ट्रीय टी-२० पॉवरप्लेमध्ये सर्वाधिक षटकार ठोकणारे फलंदाज:

A MAGNIFICENT MILESTONE! 💯

Relive the moment Abhishek Sharma brought up a record-breaking hundred 🎥👏

#TeamIndia | #AFGvIND

https://t.co/SMbmXrtziL

— BCCI (@BCCI) September 17, 2026

• अभिषेक शर्मा (भारत) : १०० षटकार
• रोहित शर्मा (भारत) : ९८ षटकार
• मार्टिन गप्टिल (न्यूझीलंड) : ९७ षटकार
• पॉल स्टर्लिंग (आयर्लंड) : ९४ षटकार
• क्विंटन डी कॉक (दक्षिण आफ्रिका) : ८७ षटकार

हेही वाचा – Shreyas Iyer Reaction : ‘माझ्या संघात प्रत्येक खेळाडू मॅच विनर’, कर्णधार श्रेयसने नमन-तिलक अन् नितीशच्या जिद्दीचे केले कौतुक

एकाच वर्षात १ हजार धावा; हा पराक्रम करणारा पहिला भारतीय सलामीवीर –

दुसऱ्या सामन्यातील २७ धावांच्या जोरावर अभिषेकने २०२६ या एकाच वर्षात सलामीवीर म्हणून आंतरराष्ट्रीय टी-२० मध्ये १ हजार धावांचा टप्पाही पार केला. अशी कामगिरी करणारा तो पहिला भारतीय सलामीवीर बनला आहे. याशिवाय, एका वर्षात १ हजार किंवा त्याहून अधिक धावा करणारा तो एकूण तिसरा भारतीय फलंदाज ठरला आहे. त्याच्यापूर्वी २०२२ मध्ये सूर्यकुमार यादवने (११६४ धावा) आणि चालू वर्षात इशान किशनने (११५९ धावा) अशी कामगिरी केली आहे.