Pune News : आळंदी ते पंढरपूर पालखी मार्गावरील हडपसर-दिवेघाट दरम्यान रस्त्यालगत असलेल्या धोकादायक दगड-कड्यांचे निर्मूलन करण्याचे काम शनिवारी (४ जुलै) हाती घेण्यात येणार आहे. (Pune News)

वारकऱ्यांच्या तसेच वाहनचालकांच्या सुरक्षिततेच्या दृष्टीने दुपारी १२ ते २ या वेळेत या मार्गावरील सर्व प्रकारच्या वाहनांची वाहतूक पूर्णपणे बंद ठेवण्यात येणार असल्याची माहिती वाहतूक पोलिसांनी दिली. (Pune News)

वाहतूक पोलिसांच्या माहितीनुसार, रस्त्यालगतच्या धोकादायक खडकांचे निर्मूलन करण्यासाठी जड यंत्रसामग्रीचा वापर करण्यात येणार आहे. सुरक्षिततेच्या कारणास्तव या कालावधीत हडपसर-दिवेघाट मार्गावर कोणत्याही वाहनास प्रवेश दिला जाणार नाही. (Pune News)

नागरिकांनी आणि वाहनचालकांनी दुपारी १२ ते २ या वेळेत या मार्गाचा वापर टाळावा व प्रवासासाठी पर्यायी मार्गांचा अवलंब करावा, असे आवाहन पोलिस प्रशासनाने केले आहे. तसेच पालखी सोहळ्यादरम्यान वाहतूक व्यवस्था सुरळीत ठेवण्यासाठी नागरिकांनी पोलिसांना सहकार्य करण्याचेही आवाहन करण्यात आले आहे. (Pune News)