Gunaratna Sadavarte : वादग्रस्त विधानांमुळे कायमच चर्चेत असणारे वकील ‘गुणरत्न सदावर्ते’ हे बिग बॉस 18 मध्ये झळकणार आहेत. बिग बॉस हिंदीच्या18 व्या पर्वात गुणरत्न सदावर्ते हे स्पर्धक म्हणून जाणार आहे. या कार्यक्रमासाठी त्यांनी इतर स्पर्धकांच्या तुलनेत सर्वाधिक मानधन घेतले आहे.

बिग बॉसच्या घरात जाण्यापूर्वी गुणरत्न सदावर्ते यांची त्यांच्या पत्नीला मिठी मारली आणि निरोप घेतला. आता सदावर्ते या शोचा भाग असल्यामुळे कार्यक्रमाला वेगळीच रंगत पाहायला मिळणार आहे.

दरम्यान, बिग बॉसच्या घरात जाण्यापूर्वीच वकील सदावर्ते यांना जीवे मारण्याची धमकी मिळाली आहे. इंटरनॅशनल काॅलवरुन त्यांना जीवे मारण्याची धमकी मिळालीये. निनावी क्रमांकावरून हा काॅल आल्याची माहिती आहे.

वरळी विधानसभेतून निवडणूक लढवण्याची इच्छा व्यक्त केल्याने तसेच जिजामाता नगर संदर्भात वक्तव्यामुळे जीवे मारण्याची दिली धमकी मिळाली असा आरोप करण्यात आला आहे.

गुणरत्न सदावर्ते यांच्या पत्नी जयश्री सदावर्ते भोईवाडा पोलीस ठाण्यात तक्रार नोंदवण्याठी रवाना झाल्या आहेत. महाराष्ट्रात गुणरत्न सदावर्ते नेहमीच वेगवेगळ्या कारणामुळे चर्चेत असतात.

आदित्य ठाकरेंविरोधात ‘गुणरत्न सदावर्ते’ वरळीतून निवडणूक लढणार :

वरळी मतदार संघातून आदित्य ठाकरेंविरोधात आणखी एका व्यक्तीने शड्डू ठोकलाय. आणि ते नाव म्हणजे वकील ‘गुणरत्न सदावर्ते’. होय, वरळी विधानसभा मतदारसंघातून निवडणूक लढवणार असल्याची माहिती त्यांनी स्वत: दिली आहे.

शिवाय महायुतीतील शिवसेना आणि भाजपकडून उमेदवारी मिळण्यासाठी सदावर्ते यांनी पक्षश्रेष्ठींकडे मागणी केली. वरळी हा दक्षिण मुंबईतील महत्वाचा मतदारसंघ आहे.

ही बातमी नक्की वाचा….

Gunaratna Sadavarte : डंके की चोट पर.! गुणरत्न सदावर्ते घेणार ‘Bigg Boss 18’च्या घरात एन्ट्री; स्वतः केली घोषणा