Gunratna Sadavarte | Bigg Boss 18 : मराठी बिग बॉस सिझन 5 सध्या मोठ्या प्रमाणात चर्चेत असून, लवकरच हा शो प्रेक्षकांचा निरोप घेणार आहे. यादरम्यान आता हिंदी बिग बॉसचा 18 वा सीझन लवकरच प्रेक्षकांच्या भेटीला येणार आहे. प्रेक्षक या शोची आतुरतेने वाट पाहतात. टीव्ही जगतात सर्वाधिक टीआरपी असलेला शो म्हणून हिंदी ‘बिग बॉस’कडे पाहिले जाते.

बॉलिवूडचा ‘भाईजान’ सलमान खानचे चाहते तर या शोकडे डोळे लावून बसलेले असतात. बॉलिवूडचा भाईजान सलमान खानने या शोच्या शुटिंगलादेखील सुरुवात केल्याचे समजत आहे. बिग बॉस 18 शोमध्ये यंदा किती आणि कोणते स्पर्धक सहभागी होणार आहेत याची संभाव्य यादी सोशल मीडियावर व्हायरल झाली असून, अनेक नवखे चेहरे यामध्ये पाहायला मिळत आहेत.

दरम्यान, अश्यातच एका स्पर्धकाने स्वतःच्या नावाची घोषणा केली आहे. आपण यंदा बिग बॉस हिंदी मध्ये दिसणार असल्याचं या स्पर्धकाने सांगितलं आहे. आपल्या वादग्रस्त विधानांमुळे कायमच चर्चेत असणारे वकील गुणरत्न सदावर्ते हे बिग बॉस 18 मध्ये झळकणार आहेत. एका प्रसिद्ध वृत्तवाहिनीने याबद्दल खुलासा केला आहे.

बिग बॉस हिंदीच्या18 व्या पर्वात गुणरत्न सदावर्ते हे स्पर्धक म्हणून जाणार आहे. या कार्यक्रमासाठी त्यांनी इतर स्पर्धकांच्या तुलनेत सर्वाधिक मानधन घेतले आहे. बिग बॉसच्या घरात जाण्यापूर्वी गुणरत्न सदावर्ते यांची त्यांच्या पत्नीला मिठी मारली आणि निरोप घेतला. आता सदावर्ते या शोचा भाग असल्यामुळे कार्यक्रमाला वेगळीच रंगत पाहायला मिळणार आहे.