PBKS vs RCB Qualifier-1 Updates : आयपीएल २०२५ चा हंगाम अंतिम टप्प्यात पोहोचला आहे, जिथे पहिला क्वालिफायर-१ सामना पंजाब किंग्ज आणि आरसीबी यांच्यात खेळला जाईल. जो संघ जिंकेल तो थेट अंतिम फेरीत प्रवेश करेल. त्याच वेळी, पराभूत संघाला अंतिम फेरीत पोहोचण्याची आणखी एक संधी मिळेल. क्वालिफायर-२ खेळून तो अंतिम फेरीत प्रवेश मिळवू शकतो. परंतु जर आज (२९ मे) होणाऱ्या क्वालिफायर-१ सामन्यात पाऊस पडला आणि पावसामुळे सामना झाला नाही, तर कोणता संघ अंतिम फेरीत पोहोचेल? याबद्दल जाणून घेऊया.

पॉइंट टेबलमधील अव्वल संघ अंतिम फेरीत पोहोचेल –

जर पाऊस पडला तर पंचांना दोन्ही संघांमध्ये कोणत्याही प्रकारे सुपर ओव्हर सामना व्हावा असे वाटेल. जर सुपर ओव्हर शक्य नसेल तर अशा परिस्थितीत सामना रद्द केला जाईल. त्यानंतर पंजाब किंग्ज आणि आरसीबी यांच्यातील लीग टप्प्यात पॉइंट टेबलमध्ये पहिल्या क्रमांकावर असलेला संघ थेट फायनलमध्ये जाईल. दुसऱ्या क्रमांकाचा संघ क्वालिफायर २ मध्ये खेळेल, जिथे तो एलिमिनेटरच्या विजेत्याशी भिडेल.

कोणाला होणार फायदा?

The spotlight doesn’t get brighter than this 🔥

Everything they’ve played for leads to this 🏆

Punjab Kings 🆚 Royal Challengers Bengaluru 👊

Are you ready? 🫵#TATAIPL | #PBKSvRCB | #Qualifier1 | #TheLastMile pic.twitter.com/ohavg1Zn3i

— IndianPremierLeague (@IPL) May 29, 2025

अशा परिस्थितीत, जर पावसामुळे सामना रद्द झाला तर पंजाब किंग्जला फायदा होईल आणि त्यांना थेट अंतिम फेरीत प्रवेश करण्याची संधी मिळेल. कारण ते पॉइंट टेबलमध्ये पहिल्या क्रमांकावर होते. त्यांनी आतापर्यंत १४ सामने खेळताना एकूण ९ सामने जिंकले आहेत. त्यांचा नेट रन रेट ०.३७२ आहे आणि त्यांचे १९ गुण आहेत.

हेही वाचा – BAN vs SA : ढाक्यातील सामन्यात हाणामारी! ‘जेंटलमॅन गेम’ला काळीमा, VIDEO व्हायरल

तसेच आरसीबीचा संघ लीग टप्प्यात पॉइंट टेबलमध्ये दुसऱ्या क्रमांकावर होता. त्यामुळे आरसीबीचा संघ क्वालिफायर २ मध्ये खेळेल, जिथे तो एलिमिनेटरच्या विजेत्याशी भिडेल. लीग टप्प्यात आरसीबीने १४ सामने खेळले, त्यापैकी ९ सामने जिंकले आणि फक्त चार सामने गमावले. १९ गुणांसह, त्यांचा नेट रन रेट अधिक ०.३०१ आहे.