ENG vs SL 2nd Test : – दुसऱ्या कसोटीसाठी इंग्लंड संघाने मार्क वूडच्या जागी ऑली स्टोनचा समावेश केला आहे. श्रीलंकेविरुद्धच्या पहिल्या कसोटी लढतीमध्ये मार्क वूड दुखापतग्रस्त झाला होता. त्यामुळे त्याच्या जागी स्टोनला ही संधी मिळाली आहे.

स्टोनने 2021 साली कसोटीसंघात पदार्पण केले होते. गेल्या आठवड्यात झालेली श्रीलंकेविरुद्धची पहिली कसोटी इंग्लंड संघाने 5 गडी राखून जिंकली होती. त्यानंतर विजयी संघात एकमेव बदल करण्यात आला आहे.

मार्क वुडने गेल्या महिन्यात वेस्ट इंडिजविरुद्ध 97 mph/156kph वेगाने गोलंदाजी केली होती पण श्रीलंकेविरुद्धच्या पहिल्या कसोटीत मांडीला दुखापत झाल्यामुळे तो संपूर्ण मालिकेतून बाहेर पडला आहे. आता दुसरा कसोटी सामना 29 ऑगस्टपासून लंडनच्या लॉर्ड्स क्रिकेट मैदानावर खेळवला जाणार आहे.

ICC chairman : जागतिक क्रिकेटमध्ये भारताचा दबदबा, जय शाहंची ICC च्या अध्यक्षपदी बिनविरोध निवड…

दुसऱ्या कसोटीसाठी इंग्लंडचा संघ : बेन डकेट, डॅन लॉरेन्स, ऑली पोप (कर्णधार), जो रूट, हॅरी ब्रूक, जेमी स्मिथ (यष्टीरक्षक), ख्रिस वोक्स, गस ऍटकिन्सन, मॅथ्यू पॉट्स, ऑली स्टोन, शोएब बशीर.