Maharashtra Politics : डोंबिवलीतील केडीएमसीच्या शास्त्रीनगर रुग्णालयात डॉक्टर आणि परिचारिकेला मारहाण केल्याच्या प्रकरणात शिवसेना (शिंदे गट) नगरसेवक रमेश म्हात्रे यांना अखेर अटक करण्यात आली आहे. या घटनेवरून विधानसभेत विरोधकांनी सरकारला घेरल्यानंतर पोलिसांनी कारवाई करत म्हात्रेंसह तिघांना ताब्यात घेतले. (Maharashtra Politics)

या प्रकरणामुळे वैद्यकीय क्षेत्रात संतापाची लाट उसळली होती. डॉक्टरांवर लोकप्रतिनिधींनीच हल्ला केल्यास डॉक्टरांनी सुरक्षित वातावरणात काम कसे करायचे, असा सवाल उपस्थित करत विरोधकांनी विधिमंडळात कठोर कारवाईची मागणी केली होती. (Maharashtra Politics)

या प्रकरणात रमेश म्हात्रे, अक्षय कारंडे आणि प्रमोद निकम यांना विष्णूनगर पोलिसांनी अटक केली आहे. तिघांनाही अटकेनंतर कल्याण न्यायालयात हजर करण्यात आले. (Maharashtra Politics)

Maharashtra Politics : राष्ट्रवादीला मोठा धक्का! नगरसेविका अश्विनी कोळी यांचे जात प्रमाणपत्र अवैध; नगरसेवकपद धोक्यात

पोलिसांनी तिघांविरोधात सरकारी कामकाजात अडथळा आणणे, डॉक्टरांवर हल्ला करणे, जीवे मारण्याचा प्रयत्न यांसह विविध गंभीर कलमांखाली गुन्हे दाखल केले आहेत. (Maharashtra Politics)

दोन्ही बाजूंचा युक्तिवाद ऐकल्यानंतर न्यायालयाने तिन्ही आरोपींना दोन दिवसांची पोलीस कोठडी सुनावली आहे. या प्रकरणाचा पुढील तपास विष्णूनगर पोलीस करत आहेत. (Maharashtra Politics)

नेमकं प्रकरण काय?

डोंबिवलीतील शास्त्रीनगर रुग्णालयात उपचारासाठी आलेल्या एका रुग्णाच्या उपचारावरून वाद निर्माण झाला होता. या वादाचे रूपांतर धक्काबुक्की आणि मारहाणीत झाले. (Maharashtra Politics)

या घटनेत शिवसेनेचे( शिंदे गट) नगरसेवक रमेश म्हात्रे यांच्यासह काही जणांनी डॉक्टर, परिचारिका आणि रुग्णालयातील कर्मचाऱ्यांना मारहाण केल्याचा आरोप आहे. या घटनेचा व्हिडिओ सोशल मीडियावर मोठ्या प्रमाणात व्हायरल झाल्यानंतर राज्यभरातील डॉक्टरांमध्ये संतापाची लाट उसळली. (Maharashtra Politics)

Eknath Shinde : एकनाथ शिंदेंचा सहाय्यक आयुक्तांना दणका; तडकाफडकी केलं निलंबन