Eknath Shinde : एकनाथ शिंदेंचा सहाय्यक आयुक्तांना दणका; तडकाफडकी केलं निलंबन
Eknath Shinde : ठाणे आणि मुंबई परिसरात सुरू असलेल्या मुसळधार पावसाच्या पार्श्वभूमीवर राज्याचे उपमुख्यमंत्री एकनाथ शिंदे यांनी प्रशासनाला मोठा दणका दिला आहे.
Eknath Shinde : ठाण्यात सुरू असलेल्या मुसळधार पावसाच्या पार्श्वभूमीवर उपमुख्यमंत्री एकनाथ शिंदे यांनी मोठी प्रशासकीय कारवाई केली आहे. ठाणे महानगरपालिकेचे आपत्ती व्यवस्थापन प्रमुख तथा सहाय्यक आयुक्त यासीन तडवी यांना कामात हलगर्जीपणा केल्याच्या कारणावरून ८ दिवसांसाठी निलंबित करण्याचे आदेश शिंदे यांनी दिले. (Eknath Shinde)
गेल्या काही दिवसांपासून ठाण्यात मुसळधार पावसामुळे अनेक ठिकाणी पूरस्थिती, पाणी साचणे आणि विविध आपत्कालीन घटना घडत आहेत. या पार्श्वभूमीवर उपमुख्यमंत्री शिंदे यांनी ठाणे महापालिकेच्या आपत्ती व्यवस्थापन कक्षाला अचानक भेट देत परिस्थितीचा आढावा घेतला. (Eknath Shinde)
हलगर्जीपणा आढळल्याचा आरोप
माहितीनुसार, शहरातील विविध दुर्घटनास्थळी आपत्ती व्यवस्थापन प्रमुख यासीन तडवी यांनी प्रत्यक्ष उपस्थित राहून परिस्थितीवर नियंत्रण ठेवणे अपेक्षित होते. मात्र, अनेक घटनास्थळी ते अनुपस्थित असल्याचे निदर्शनास आले. तसेच, उपमुख्यमंत्री शिंदे यांच्या आकस्मिक पाहणीवेळीही ते कार्यालयात हजर नसल्याने शिंदे यांनी तीव्र नाराजी व्यक्त करत तात्काळ निलंबनाचे आदेश दिले. (Eknath Shinde)
Eknath Shinde Health : उपमुख्यमंत्री एकनाथ शिंदेंच्या प्रकृतीबाबत मोठी अपडेट; Health Update समोर
“जनतेला वाऱ्यावर सोडणाऱ्यांची गय नाही”
पाहणीनंतर प्रसारमाध्यमांशी बोलताना एकनाथ शिंदे म्हणाले, “आपत्तीच्या काळात जनतेला वाऱ्यावर सोडणाऱ्या अधिकाऱ्यांची अजिबात गय केली जाणार नाही. कामात हलगर्जीपणा करणाऱ्यांवर कठोर कारवाई केली जाईल.” (Eknath Shinde)
प्रशासनाला कडक सूचना
यावेळी शिंदे यांनी ठाणे महापालिकेच्या अधिकाऱ्यांना सखल भागातील पाण्याचा तातडीने निचरा करण्याचे, रस्त्यावर पडलेली झाडे त्वरित हटवण्याचे आणि नागरिकांना तातडीने मदत उपलब्ध करून देण्याचे निर्देश दिले. (Eknath Shinde)
तसेच, आपत्कालीन परिस्थिती लक्षात घेऊन आऊटसोर्सिंगच्या माध्यमातून अतिरिक्त मनुष्यबळाची भरती करण्यात येणार असल्याची माहितीही त्यांनी दिली. याशिवाय, भविष्यात कोणत्याही अधिकाऱ्याने निष्काळजीपणा केल्यास निलंबनासह बडतर्फीची कारवाईही केली जाईल, असा कडक इशाराही उपमुख्यमंत्री एकनाथ शिंदे यांनी दिला. (Eknath Shinde)
Eknath Shinde : एकनाथ शिंदेंचा मास्टरस्ट्रोक ! ‘या’ महिला नेत्यावर सोपवली मोठी जबाबदारी
