DC vs SRH Who is Zeeshan Ansari : सनरायझर्स हैदराबादच्या झिशान अन्सारीने दिल्ली कॅपिटल्सविरुद्ध शानदार गोलंदाजी केली. या सामन्यात त्याने एकूण तीन विकेट्स घेतल्या, पण या सर्वात खास गोष्ट केएल राहुलची विकेट होती. झीशानने लेग स्पिनने केएल राहुलला ज्या प्रकारे क्लीन बोल्ड केले, ते पाहून लोक त्याचे खूप कौतुक करत आहेत. आयपीएल २०२५ च्या लिलावात हैदराबादने झीशानला ४० लाख रुपयांना खरेदी केले. विशेष म्हणजे हैदराबादकडे अ‍ॅडम झाम्पा आणि राहुल चहर यांच्याऐवजी झीशानला संघात समाविष्ट करण्यात आले. त्यामुळे तो नक्की कोण आहे? जाणून घेऊया.

झीशान अन्सारी मूळचा यू.पी.चा. –

झीशान अन्सारी मूळचा उत्तर प्रदेशचा आहे. तो एका गरीब कुटुंबातून येतो. मिळालेल्या माहितीनुसार, झीशानचे वडील लखनौमध्ये कपड्यांचे टेलरिंगचे दुकान चालवायचे. सुरुवातीच्या काळात, झीशानकडे बूट आणि किट खरेदी करण्यासाठीही पैसे नव्हते. तिथे अकादमीचे प्रशिक्षक आणि मित्रांनी त्याला मदत केली. झीशानच्या वडिलांना त्याने क्रिकेट खेळावे असे वाटत नव्हते आणि त्यांनी त्याला दुकानात काम करण्यास सांगितले. पण नंतर झीशानने उत्तर प्रदेशच्या अंडर-१९ संघात स्थान मिळवले.

१९ वर्षांखालील विश्वचषक संघाचा होता सदस्य –

Dream debut🧡#zeeshanansari pic.twitter.com/T8kawVsGRF

— SunrisersHyd – OrangeArmy Forever (@Orangearmyforvr) March 30, 2025

तुम्हाला कदाचित हे माहित नसेल पण झीशान अन्सारीचे ऋषभ पंतशीही एक खास नाते आहे. हे २०१६ चे वर्ष आहे जेव्हा पंतने तिरंगी मालिकेत चांगली कामगिरी केली होती. या मालिकेत अफगाणिस्तान आणि बांगलादेशचे संघही होते. या मालिकेत अन्सारीने ८.६२ च्या सरासरीने आठ विकेट्स घेतल्या होत्या. यानंतर त्याची अंडर १९ वर्ल्ड कप संघात निवड झाली. या संघात ऋषभ पंत, इशान किशन, वॉशिंग्टन सुंदर, आवेश खान आणि खलील अहमद अशी नावे होती. अन्सारीने दोन सामन्यांमध्ये दोन विकेट्स घेतल्या आणि ३७ धावा केल्या. परंतु, किशनच्या नेतृत्वाखालील भारतीय संघाला १९ वर्षांखालील विश्वचषकाच्या अंतिम सामन्यात वेस्ट इंडिजकडून पराभव पत्करावा लागला.

हेही वाचा – DC vs SRH : दिल्लीने सलग दुसऱ्या सामन्यात तख्त राखलं! तगड्या हैदराबादवर मिळवला विजय, स्टार्क ठरला गेमचेंजर

रणजी सामन्यात पहिली संधी केव्हा मिळाली?

वयोगटातील सामन्यांमध्ये प्रभावी कामगिरी केल्यानंतर अन्सारीला २०१७ मध्ये रणजीमध्ये संधी मिळाली. त्याने त्याचा पहिला सामना रेल्वेविरुद्ध खेळला. रेल्वेने हा सामना २१ धावांनी जिंकला असला, तरी अन्सारीने सहा विकेट्स घेतल्या. यानंतर त्याला संधी मिळाली नाही. पदार्पणापासून २०२० पर्यंत, अन्सारीला फक्त पाच प्रथम श्रेणी सामने खेळता आले आणि त्याने १७ विकेट्स घेतल्या. २०१९ मध्ये, त्याने उत्तराखंडविरुद्ध उत्तर प्रदेशसाठी एकमेव टी-२० सामना खेळला.

हेही वाचा – DC vs SRH : मिचेल स्टार्कने रचला इतिहास! दिल्ली कॅपिटल्सचा १७ वर्षांचा दुष्काळ संपवला

यूपी टी-२० लीगमध्ये चमकला –

उत्तर प्रदेश टी-२० लीग दरम्यान झीशान अन्सारीचे नाव चमकले. या काळात अन्सारी मेरठ मॅव्हेरिक्सचा भाग होता. त्याने १२ सामन्यांमध्ये २४ विकेट्स घेतल्या आणि त्याची सरासरी १३.२५ होती. कानपूर सुपरस्टार्सविरुद्ध २६ धावांत पाच विकेट्स ही त्याची सर्वोत्तम कामगिरी होती. एका मुलाखतीत झीशान अन्सारी यांनी सांगितले होते की तो पियुष चावलाला आपला आदर्श मानतो. याशिवाय, तो शेन वॉर्न आणि अनिल कुंबळे सारख्या दिग्गजांच्या कौशल्यांकडूनही बरेच काही शिकत आहे.