SRH and DC Complete Mega Trade as T Natarajan Returns to Sunrisers Hyderabad : आयपीएलच्या आगामी हंगामाची चाहूल लागताच फ्रँचायझींनी आपापली रणनीती आखण्यास सुरुवात केली आहे. लवकरच सर्व संघ आपल्या रिटेन केलेल्या खेळाडूंची यादी जाहीर करणार असून, त्याआधीच खेळाडूंच्या ट्रेडिंगला वेग आला आहे. या दरम्यान सनरायझर्स हैदराबादने एक मोठा खेळाडू करार पूर्ण केला आहे. पॅट कमिन्सच्या नेतृत्वाखालील हैदराबाद संघाने भारताचा अनुभवी वेगवान गोलंदाज टी नटराजन याला पुन्हा आपल्या संघात सामील करून घेतले आहे. या ट्रेडनुसार फिरकीपटू झीशान अन्सारी आता दिल्ली कॅपिटल्सकडे गेला आहे.

नटराजनची हैदराबादमध्ये घरवापसी; झीशान अन्सारी दिल्लीत –

सनरायझर्स हैदराबाद आणि दिल्ली कॅपिटल्स यांच्यात खेळाडूंची अदलाबदल अधिकृतपणे पूर्ण झाली आहे. नटराजनने आपल्या आयपीएल कारकिर्दीतील सुवर्णकाळ हैदराबादसोबत घालवला होता. मात्र नंतर तो दिल्लीच्या ताफ्यात गेला होता. आता नव्या मोसमाच्या लिलावापूर्वी हैदराबादने आपल्या विश्वासू गोलंदाजाला पुन्हा संघात आणून वेगवान मारा अधिक भक्कम केला आहे, तर लेग स्पिनर झीशान अन्सारी आता दिल्ली कॅपिटल्सच्या जर्सीत दिसणार आहे.

२०२४ मध्ये घेतले होते १९ विकेट्स; पाच हंगाम गाजवले –

T Natarajan joins Sunrisers Hyderabad for ₹5 crore, while Zeeshan Ansari moves to Delhi Capitals for ₹40 lakh in a trade ahead of the IPL 2027 season! 🧡🔁💙

#SRH #DC #IPL2027 #Sportskeeda https://t.co/IPth0yGm6X

— Sportskeeda (@Sportskeeda) October 14, 2026

टी नटराजनने २०२० ते २०२४ या काळात सलग पाच हंगाम सनरायझर्स हैदराबादचे प्रतिनिधित्व केले आहे. २०२४ चा आयपीएल हंगाम त्याच्यासाठी अत्यंत यशस्वी ठरला होता, ज्यामध्ये त्याने तब्बल १९ विकेट्स घेत हैदराबादकडून सर्वाधिक विकेट्स मिळवण्याचा पराक्रम केला होता. हैदराबादला अंतिम फेरीपर्यंत नेण्यात त्याचा अचूक यॉर्कर मारा अत्यंत महत्त्वाचा ठरला होता.

हेही वाचा – Prince William Cricket : बकिंगहॅम पॅलेसबाहेर थेट रस्त्यावर रंगला सामना! गांगुलीच्या चेंडूवर षटकार ठोकत प्रिन्स विल्यमने लंडन केले ठप्प, VIDEO व्हायरल

फी झाली निम्मी; १०.७५ कोटींवरून थेट ५ कोटींवर –

A big move for both squads ahead of the new season! 💪

T. Natarajan returns to #SRH for ₹5 CR, while Zeeshan Ansari moves to #DC for ₹40 L in a direct player trade! 🔄

#TATAIPL #SunrisersHyderabad #DelhiCapitals https://t.co/QBjgAWwPxY

— Star Sports (@StarSportsIndia) October 14, 2026

आयपीएल २०२५ च्या लिलावात दिल्ली कॅपिटल्सने नटराजनला १०.७५ कोटी रुपयांची मोठी बोली लावून खरेदी केले होते. मात्र ताज्या ट्रेडनुसार, तो आता ५ कोटी रुपयांच्या सुधारित शुल्कावर हैदराबाद संघात परतला आहे. दुसरीकडे, १० आयपीएल सामन्यांत ६ बळी घेणारा झीशान अन्सारी त्याच्या मूळ ४० लाख रुपयांच्या किमतीत दिल्ली संघात सामील झाला आहे.