World Cup 2023 India vs Sri Lanka Match Results : विश्वचषक 2023 च्या 33 व्या सामन्यात भारताने श्रीलंकेचा 302 धावांनी पराभव केला आहे. या विश्वचषकात टीम इंडिया अजिंक्य आहे. मुंबईतील वानखेडे स्टेडियमवर सलग सातवा सामना जिंकून भारताने 14 गुणांसह उपांत्य फेरीत स्थान निश्चित केले आहे. उपांत्य फेरी गाठणारा भारत हा पहिला संघ ठरला आहे. भारताने श्रीलंकेविरुद्ध पुन्हा एकदा एकतर्फी विजय मिळवला आहे. यापूर्वी आशिया चषकाच्या उपांत्य फेरीत भारताने श्रीलंकेला 50 धावांत गुंडाळून सहज विजय मिळवला होता.

आतापर्यंतचा सर्वात मोठा विजय…

शानदार फॉर्ममध्ये असलेल्या टीम इंडियाने विश्वचषकात श्रीलंकेचा 302 धावांनी पराभव केला. विश्वचषकाच्या इतिहासातील हा भारताचा आतापर्यंतचा सर्वात मोठा विजय आहे. भारताने 16 वर्ष जुना विक्रम मोडला आहे. या संघाने 2007 मध्ये बर्म्युडाचा 257 धावांनी पराभव केला होता.

फलंदाज व गोलंदाजांनी केलेल्या अत्यंत अविश्‍वसनिय कामगिरीच्या जोरावर यजमान भारतीय संघाने एकदिवसीय सामन्यांच्या विश्‍वकरंडक स्पर्धेत गुरुवारी श्रीलंकेवर 302 धावांनी विक्रमी विजय मिळवला. या विजयासह भारताने यंदाच्या स्पर्धेत सलग सात सामने जिंकताना 14 गुणांसह थाटात उपांत्य फेरीत प्रवेश केला.  शुभमन गिल, विराट कोहली, क्षेयस अय्यर यांची अर्धशतके, रवींद्र जडेजाची उपयुक्त फलंदाजी तर नंतर महंमद शमी, महंमद सिराज, जसप्रीत बुमराह आणि रवींद्र जडेजा यांच्या जबरदस्त गोलंदाजीमुळे भारताने श्रीलंकेच्या फलंदाजीची वाताहत केली. महंमद शमी सामनावीर ठरला.

Yet another match-winning spell and yet another Player of the Match award! 🏆

Congratulations, Mohd. Shami 🙌#TeamIndia register a mammoth 302-run win 👏👏 #CWC23 | #MenInBlue | #INDvSL pic.twitter.com/NJnX6EeP4h

— BCCI (@BCCI) November 2, 2023

भारताने विजयासाठी दिलेल्या 358 धावांचा पाठलाग करताना आपण जणू यंदाच्या आशिया करंडक स्पर्धेच्या अंतिम सामन्याचीच क्षणचित्रे पाहात आहोत असा भासही प्रेक्षकांना झाला असेल. त्यावेळी श्रीलंकेचा संपूर्ण संघ 50 धावांत गारद झाला होता, तर या स्पर्धेच्या गुरुवारी झालेल्या लढतीत त्यांचा संघ अवघ्या 55 धावांत तंबूत परतला. शमीने पाच, सिराजने 3 तर बुमराह व जडेजाने प्रत्येकी 1 गडी बाद केला.

श्रीलंकेकडून कासुन रजिथाने सर्वाधिक 14 धावा केल्या. ऍजेलो मॅथ्युज व महिश तक्षिणा यांनी प्रत्येकी 12 धावा केल्या. त्यांच्या अन्य एकाही फलंदाजाला दोनअंकी धावाही करता आल्या नाहीत. त्यांच्या पाच फलंदाजांना खातेही उघडता आले नाही. यामध्ये पथुम निसांका, दिमुथ करुणारत्ने, सदीरा समरविक्रमा , दुशान हेमंता आणि दुष्मंथा चमीरा यांचा समावेश आहे.

#CWC23 #INDvSL : शुभमन-विराट-श्रेयसची शतके हुकली; भारतानं श्रीलंकेविरूध्द उभारली मोठी धावसंख्या…

तत्पूर्वी, श्रीलंकेचा कर्णधार कुसल मेंडिसने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हरल्यानंतर प्रथम फलंदाजी करताना टीम इंडियानं शुभमन गिल, विराट कोहली, श्रेयस अय्यर यांची शानदार अर्धशतके आणि रविंद्र जडेजानं शेवटच्या षटकामध्ये केलेल्या फटकेबाजीच्या जोरावर 50 षटकात 8 गडी गमावून 357 धावा केल्या.

भारतीय संघाची सुरुवात खराब झाली. डावाच्या दुसऱ्याच चेंडूवर कर्णधार रोहित शर्माला दिलशान मदुशंकाने क्लीन बोल्ड केले. त्याला चार धावा करता आल्या. यानंतर विराट कोहलीने शुभमन गिलसोबत दुसऱ्या विकेटसाठी 189 धावांची भागीदारी केली. मधुशंकाने ही भागीदारी तोडली. त्याने शुभमनला यष्टिरक्षक कुसल मेंडिसकडे झेलबाद केले. शुभमन 92 चेंडूत 92 धावा करून बाद झाला. आपल्या खेळीत त्याने 11 चौकार आणि 2 षटकार मारले.

यानंतर विराटचे शतकही हुकले. मधुशंकाने त्याला निसांकाकरवी झेलबाद केले. विराटने 94 चेंडूत 11 चौकारांच्या मदतीने 88 धावांची खेळी केली. यानंतर श्रेयस अय्यर आणि केएल राहुलने 46 चेंडूत 60 धावांची शानदार भागीदारी केली. राहुल 19 चेंडूत 21 धावा करून बाद झाला. त्याला दुष्मंथा चमीराने बाद केले.सूर्यकुमार यादव काही विशेष करू शकला नाही. तो नऊ चेंडूत 12 धावा करून बाद झाला. दरम्यान, श्रेयसने एकदिवसीय कारकिर्दीतील 16 वे अर्धशतक झळकावले. त्याने 36 चेंडूत पन्नास धावा पूर्ण केल्या. मधुशंकाने श्रेयसला पॅव्हेलियनमध्ये पाठवले. तो 56 चेंडूंत तीन चौकार आणि सहा षटकारांच्या मदतीने 82 धावा करून बाद झाला.मोहम्मद शमी दोन धावा करून बाद झाला. त्याचवेळी रवींद्र जडेजाने 24 चेंडूत 1 चौकार आणि 1 षटकाराच्या मदतीने 35 धावांची खेळी केली. भारतीय डावातील शेवटच्या चेंडूवर जडेजा धावबाद झाला.

श्रीलंकेकडून मधुशंकाने सर्वाधिक पाच विकेट्स घेतल्या. त्यानं 10 षटकात 80 धावा दिल्या. तर चमीरा यानं 10 षटकात 71 धावा देताना एक विकेट घेतली. भारताचे दोन फलंदाज धावबाद झाले.