Congress News : कर्नाटकच्या राजकारणात एक अत्यंत महत्त्वाची आणि मोठी घडामोड समोर आली आहे. डी. के. शिवकुमार यांनी कर्नाटकच्या मुख्यमंत्रिपदाची शपथ घेतल्यानंतर, काँग्रेस पक्षाने (Congress News) संघटनात्मक पातळीवर मोठा बदल केला आहे.

शिवकुमार यांच्याकडे असलेली प्रदेशाध्यक्षपदाची जबाबदारी आता काँग्रेसचे ज्येष्ठ नेते बी. के. हरिप्रसाद (Congress News) यांच्याकडे सोपवण्यात आली आहे. काँग्रेस हायकमांडने हरिप्रसाद यांची कर्नाटक प्रदेश काँग्रेस समितीच्या अध्यक्षपदी अधिकृत नियुक्ती केली आहे.

सत्तावाटपाच्या सूत्रानंतर संघटनात्मक बदल

कर्नाटकमधील काँग्रेसच्या (Congress News) अंतर्गत सत्तावाटपाच्या ठरलेल्या सूत्रानुसार, डी. के. शिवकुमार यांना तीन वर्षांनंतर राज्याचे मुख्यमंत्रिपद बहाल करण्यात आले आहे. शिवकुमार यांनी मुख्यमंत्रिपदाची धुरा हाती घेतल्यामुळे ‘एक व्यक्ती, एक पद’ या तत्त्वाचा आदर करत, पक्षाने केपीसीसी अध्यक्षपदासाठी नव्या नेतृत्वाची निवड केली आहे. आगामी काळातील पक्षाची पकड मजबूत ठेवण्यासाठी हरिप्रसाद यांच्यासारख्या अनुभवी नेत्याची निवड महत्त्वाची मानली जात आहे.

कोण आहेत बी. के. हरिप्रसाद?

बी. के. हरिप्रसाद हे काँग्रेसमधील अत्यंत अनुभवी, अभ्यासू आणि संघटनात्मक राजकारणात मजबूत पकड असलेले नेते म्हणून ओळखले जातात. त्यांनी यापूर्वी दीर्घकाळ राज्यसभेचे सदस्य म्हणून काम केले आहे. सध्या ते कर्नाटक विधान परिषदेचे सदस्य असून त्यांचा हा कार्यकाळ याच महिन्यात संपत आहे.अखिल भारतीय काँग्रेस समितीमध्ये (Congress News) त्यांनी विविध महत्त्वाच्या आणि जबाबदारीच्या पदांवर काम केले आहे.

केंद्रातील नरेंद्र मोदी सरकार, भाजप आणि राष्ट्रीय स्वयंसेवक संघ (RSS) यांच्या धोरणांवर ते सातत्याने आणि आक्रमकपणे टीका करण्यासाठी ओळखले जातात.राज्यसभेच्या उपसभापतीपदाच्या निवडणुकीत ते विरोधी पक्षांचे संयुक्त उमेदवार होते. मात्र, त्यावेळी एनडीएचे उमेदवार हरिवंश नारायण सिंह यांच्याकडून त्यांचा पराभव झाला होता.

Our best wishes to all the Congress candidates nominated to contest the biennial elections of the Karnataka Legislative Council. pic.twitter.com/HGDTWebJq5

— Karnataka Congress (@INCKarnataka) June 3, 202

तसेच १९९९ च्या लोकसभा निवडणुकीत त्यांनी बेंगळुरू दक्षिण मतदारसंघातून भाजपचे ज्येष्ठ नेते दिवंगत अनंत कुमार यांच्याविरुद्ध निवडणूक लढवली होती, ज्यात त्यांना पराभवाचा सामना करावा लागला होता.

ओबीसी (OBC) कार्ड आणि राजकीय गणित

बी. के. हरिप्रसाद यांची प्रदेशाध्यक्षपदी झालेली नियुक्ती कर्नाटकच्या जातीय समीकरणांच्या दृष्टीने अत्यंत महत्त्वाची आहे. हरिप्रसाद हे इतर मागासवर्गीय (OBC) प्रवर्गातील ‘बिल्लव’ समाजाचे प्रतिनिधित्व करतात. कर्नाटकातील किनारपट्टीच्या भागात या समाजाचा राजकीय प्रभाव खूप मोठा मानला जातो.

यापूर्वी याच समाजातील जनार्दन पुजारी आणि एस. बंगारप्पा यांसारख्या दिग्गज नेत्यांनी केपीसीसी अध्यक्षपदाची धुरा यशस्वीपणे सांभाळली होती. आता हरिप्रसाद यांच्या नियुक्तीमुळे काँग्रेसने पुन्हा एकदा ओबीसी समाजाला आपल्याकडे खेचण्याचा मोठा राजकीय डाव टाकला आहे.

डी. के. शिवकुमार (Congress News) यांच्या रूपाने मिळालेले नवे मुख्यमंत्रिपद आणि बी. के. हरिप्रसाद यांच्या रूपाने मिळालेला अनुभवी प्रदेशाध्यक्ष, यामुळे कर्नाटकातील काँग्रेस सरकार आणि संघटना आगामी काळात कशी वाटचाल करते, याकडे आता संपूर्ण देशाचे लक्ष लागले आहे.